ლალოს კოლექცია ჰერბარიუმის ესთეტიკით AW19/20
ლალოს შემოდგომა-ზამთარი 2020 წლის კოლექციის ინსპირაციას ბუნების ძღვენი წარმოადგენს. დიზაინი იმეორებს ენციკლოპედიის ჩანახატების და ჰერბარიუმის ესთეტიკას, რომელიც ნაქსოვებში აისახება საგანგებოდ შეგროვებული მცენარეების მსგავსად. ყვითელი, იასამნისფერი და ტყის მწვანე ფერები უბრალოდ და ძალდაუტანებლად, ჰარმონიულ ატმოსფეროში ერწყმის ერთმანეთს და გერმანული რომანტიზმის ლიტერატურულ ენაზე მეტყველებს. კოლექცია შექმნილია ქართული ხალხური რეწვის მდიდარი ტრადიციების დაცვით და თბილისის მერსედეს-ბენცის მოდის კვირეულზე იქნება წარმოდგენილი.
ქართველი დიზაინერები სულ მალე წარადგენენ უახლეს კოლექციებს MBFW-ზე
მერსედეს-ბენცის თბილისის მოდის კვირეული 2-5 მაისის ჩათვლით გაიმართება. ქართველი დიზაინერების უახლესი კოლექციებიდან სამოსი კი ქვეყნის ფარგლებს გარეთ უკვე წარმოაჩინეს და მოირგეს ცნობილმა გოგონებმა და ინფლუენსერებმა. პრიანკა ჩოპრა, კენდალ ჯენერი და კორტნი კარდაშიანი უკვე მერამდენედ შეიმოსნენ ქართული ბრენდებით!

MB fashion week თბილისზე ვიხილავთ 2019-20 შემოდგომა-ზამთრის კოლექციებს: TATUNA, LTFR, GOLADAMIAN, VASKA, LIYA, SITUATIONIST, MATERIEL, INGOROKVA, DALOOD, GEORGE KEBURIA, JANASHIA, LADO BOKUCHAVA, LALO, ELOSHI, DJABA DIASSAMIDZE, ANOUKI, LAKO BUKIA, ALEKSANDRE AKHALKATSISHVILI, AKA NANITA, MACH & MACH, DATUNA... MBFW თბილისის გუნდს შეუერთდა MARIAM GVASALIA! ასევე საპრეზენტაციო კოლექციას წარმოადგენენ: LALO X ZARQUA, 0711 TBILISI, CROSTY...
Makeup by Irma: რჩევები ვიზაჟისტისგან
ვიზაჟისტ ირმა ჭიკაძეს ალბათ უკვე ყველა მანდილოსანი ცნობს თბილისში. ვიზაჟისტი ულამაზესად ანაწილებს ფერად ჩრდილებსა და გლიტერებს თვალის მაკიაჟში, ის უმეტესწილად საკუთარ თავზე შესრულებულ ფოტოებს გვიზიარებს სოციალურ ქსელში

Makeup by Irma-მ ცოტა ხნის წინ სელფ-მაკიაჟის 5 დღიანი კურსის წარმოება დაიწყო, მათთვის ვისაც არ ეხერხება მაკიაჟის გაკეთება საკუთარ თავზე, ან უბრალოდ სურთ იცოდნენ რა უხდებათ და გაიგონ მეტი კოსმეტიკის შესახებ. კურსს თავად ირმა უძღვება და რამდენიმე ტიპის მაკიაჟის სწრაფად და პროფესიონალურად გაკეთებას შეასწავლის.

"მგონია, რომ ძირითად შემთხვევაში, გოგოები ძალიან კრიტიკულად ვუყურებთ საკუთარ გარეგნობას და ბევრად ნაკლები ძალისხმევით, უფრო ბუნებრივად და სასიამოვნოდ გამოვიყურებით."

ედითორიალ.ჯიმ ირმას რამდენიმე აქტუალური შეკითხვით მიმართა და რჩევები მიიღო beauty-ტრენდებთან და მაკიაჟის შესრულების ტექნიკასთან დაკავშირებით.
საუკეთესოდ ჩაცმული სელებრითები კოაჩელას ფესტივალზე
სელებრითების სიუხვით გამოირჩეოდა კოაჩელას პირველი კვირა. პალმ სპრინგსი, კალიფორნია მუსიკალურ ფესტივალს ტრადიციულად, ყოველწლიურად მასპინძლობს. ღონისძიებაზე რამდენიმე მოდური ბრენდი მართავს ბრანჩ-მიღებას და საფესტივალო განრიგის მთელი დღე სხვადასხვა აქტივობებითაა დატვირთული. აღსანიშნია, რომ კენდალ ჯენერს Revolve-ს მიღებაზე და შემდგომ კონცერტზეც ქართველი დიზაინერის, ნინა ზარქუას ფეხსაცმელები ემოსა, თანაც ორი წყვილი! ერთი მწვანე და მეორე კი ვერცხლისფერ ფერში. ზარქუას შტატებში Tata.La PR სააგენტო წარადგენს, რომელიც თანამშრომლობს კენდალის სტილისტთან. მოდელი კოაჩელას ფესტივალის საუკეთესოდ ჩაცმულ სტუმართა სიაში მოხვდა Revolve-ს ღონისძიებაზე: Revolve კაბით, Marine Serre-ს ხელთათმანებით, Area ჩანთით და Nina Zarqua ფეხსაცმელებით გამოჩენის შემდეგ.
Glossier, The Ordinary, Сolourpop, NARS, Fenty... უკვე თბილისშია
Inspiration.Tbilisi წარმოადგენს skincare და makeup lover-ების საყვარელ ბრენდებს: Glossier, The Ordinary, Сolourpop, NARS, Fenty beauty, Becca, Laneige, Vanity Planet... ონლაინ მაღაზიამ უკვე მოიგო მომხმარებლების გულები სასაჩუქრე ყუთებით და მრავალფეროვანი პალიტრით!

ჩვენი ყურადღება The Ordinary-ის თავის მოვლის საშუალებებმა და glossier-ის დეკორატიულმა კოსმეტიკამ მიიპყრო. ეს ორი ბრენდი აქამდე საქართველოში არ იყო ხელმისაწვდომი. მაღაზია დღითიდღე იზრდება და გვთავაზობს მრავალ სიახლეს.

@inspiration.tbilisi
ორიგინალი კოსმეტიკის ონლაინ-მაღაზია
პროდუქცია უკვე თბილისშია
Monique Lhuillier-ის ზღაპრული კოლექცია იტალიურ ბაღში
მონიქ ლეჰულიეს კონკრეტული ხედვა ქონდა, თუ რისი შექმნა სურდა 2020 წლის ზაფხულის პატარძლებისთვის: კლასიკური სადღესასწაულო კაბები დრამატული დეტალებით. ეს ყოველივე ზღაპრის ილუსტრაციას მოგვაგონებს, თუმცა დიზაინერმა უსმინა ქალების ხმას და კაბებს თანამედროვე შტრიხები შემატა - მოსახური ლაბადების და სიგრძის ექსპერიმენტით. Monique Lhuillier საქორწილო კოლექციის ლუქბუქი ულამაზეს, ტრადიციული იტალიური სტილის ბაღში წარმოგვიდგინეს.
Danielle Frankel-ის ალტერნატიული ქორწილი, SPRING 2020
Danielle Frankel-ი პატარძლებს ალტერნატიული ქორწილისთვის იდეალურ ლუქებს სთავაზობს. ელეგანტური კაბები, კომბინიზონები და თეთრი ნაქსოვი ჯემპერები სადღესასწაულო განწყობით ნიუ იორკში იქმნება. დიზაინერმა ბრენდი 2017 წელს დაარსა, მისი კარიერა კი Vera Wang და Marchesa-ში დაიწყო.
VASKA ქალისა და მამაკაცის კოლექცია AW19-20
VASKA სულ მალე, თბილისის მერსედეს-ბენცის მოდის კვირეულზე წარმოადგენს ქალისა და მამაკაცის ერთობლივ - შემოდგომა-ზამთარი 2019-20 წლის კოლექციას.

თბილისში დაარსებულ ბრენდს მიღმა ვასკა ტაბატაძე დგას, მისი სადებიუტო კოლექციის ჩვენება სწორედ MBFW-ზე შედგა. 2017 წელს კი პირველად წარმოადგინა მამაკაცის ხაზი. თბილისის სამხატვრო აკადემიის, არქიტექტურის კურსდამთავრებული-დიზაინერი ამბობს, რომ ტექნიკური განათლება ეხმარება განსაზღვროს პრინტი და პატერნი, ის კონსტრუქციულად უდგება შემოქმედებით პროცესს, რომელიც ჩანახატს წინ უსწრებს.
Vera Wang-ის საქორწილო კოლექცია, Spring 2020
Vera Wang საქორწილო კაბების დიზაინის 30 წლის თავს აღნიშნავს.
ვერამ რადიკალურად განსხვავებული და ახლებური კოლექცია შექმნა: დაკომპლექტებული 15 სადღესასწაულო კაბით, თითოეული კაბა 360 გრადუსიანი კუთხით უნდა განიხილოს "სტუმარმა". ასიმეტრიული თარგი, ქსოვილები და ტონალობა ყოველი მხრიდან სხვადასხვა და კონტრასტული კუთხით წარმოაჩენს კაბას და ვხვდებით, რომ Vera Wang-ისთვის ყველაფერი ჯერ კიდევ წინაა!
Oscar de la Renta საქორწილო კოლექცია, Spring 2020

Oscar de la Renta საქორწილო კოლექციის პირველ ლუქს მოკლე ფოჩებიანი მინი-კაბა წარმოადგენს! ეს ხომ მართლაც შეესაბამება დღევანდელ რეალობას, პატარძელები მზად არიან ექსპერიმენტებისთვის და სიახლეებისთვის. დიზაინერები ფერნანდო გარსია და ლაურა კიმი საქორწილო კოლექციასთან ერთად აწარმოებენ RTW ხაზს, რომელიც ასეთივე სადღესასწაულო და გლამურულია. დღითიდღე ირღვევა განმასხვავებელი ნიშნები ამ ორ ხაზს შორის.
Hamda AlFahim-ის HAUTE COUTURE საღამოს კაბების კოლექცია
HAMDA AL FAHIM -ის 2019 წლის ზაფხულის სეზონისთვის შექმნილი HAUTE COUTURE საღამოს კაბები მზის ჩასვლის ფერთა პალიტრაში გაიშალა, კოლექციის სახელიც "Sky Inspired" გახლავთ. არაბი დიზაინერი უძვირფასეს ქსოვილებს, ბუმბულებს და თვლებს იყენებს. თბილი ნარინჯისფერი და ვარდისფერი ერწყმის ცისფერს და ზაფხულის პირველ დღეებზე მიგვანიშნებს. მისი წინა კოლექცია კი პოეზიით იყო შთაგონებული.
მხურვალე ზაფხული Givenchy Beauty-სგან
Givenchy Beauty ზაფხულის სეზონისთვის ახალ ფერებს წარმოადგენს. ფრანგული ბრენდის, მაკიაჟის ხაზის კრეატიულმა დირექტორმა Nicolas Degennes-მა 2019 წლის ზაფხულის კოლექციას Solar Pulse უწოდა. ის ნარინჯისფერისა და ლურჯის კონტრასტზე თამაშობს და გარუჯულ კანს იდეალურად წარმოაჩენს!
Materiel AW19 Lookbook
საქართველოში დაარსებული RTW ბრენდის Materiel-ის შემოდგომა-ზამთარი 2019 წლის კოლექციის ლუქბუქი, რომელიც წარდგენილი იქნება თბილისის მერსედეს ბენცის მოდის კვირეულზე. Materiel ერთერთ იმ ბრენდთაგანია, რომელიც საქართველოს საზღვრებს გარეთაც დიდი პოპულარობით სარგებლობს და ახალი კოლექციის წარდგენას მოდის მიმდევრები და ბაიერები განსაკუთრებით ელიან.

შეგახსენებთ სულ ცოტა ხნის წინ Materiel-ი მოირგეს იორდანიის დედოფალმა რანიამ, კორტნი კარდაშიანმა, დაკოტა ჯონსონმა, ბლოგერებმა: დანა ჰურანი, ლეონი ჰანნე, ჯეიმი ჩანგი... ბრენდი ასევე წარმატებით სარგებლობს აშშ-სა და აზიაში.
Muzaradi - თავსაბურავები მებრძოლის სტილში, ქართველი დიზაინერისგან
MUZARADI - 2017 წელს საქართველოში, ქეთევან ხერხეულიძის მიერ დაარსებული ბრენდია, რომელიც აწარმოებს მუზარადის სტილის თავსაბურავებს. ქეთევანის შემოქმედება შთაგონებას საკუთარი ბავშვობიდან და უფრო შორეული ისტორიიდან: შუა საუკუნის მებძროლების აღკაზმულობიდან იღებს, ბრენდის სახელიც - მუზარადი სწორედ მებრძოლის თავსაბურავს აღნიშნავს. ლოგოს კი დიზაინერის საგვარეულო გერბი წარმოადგენს, რომელზეც გამოსახულია: ნახევარმთვარე, ყვავილი და გემი.

მუზარადის ქუდები, პანამები და საწვიმარი ლაბადები შექმნილია სხვადასხვა მატერიებით: ნაქსოვი, ვილვეტი, ხავერდი, აბრეშუმი, ხელოვნური ტყავი. ბრენდი მაღალი მოდის წრეს განეკუთვნება, ის უკვე წარმატებით იყიდება თბილისში, მოსკოვსა და პარიზში.
NEKI Accessories სამკაულები ბათუმიდან
NEKI Accessories : საქართველოში, ბათუმიდან აწარმოებს ულამაზეს სამკაულებსა და აქსესუარებს. დიზაინერმა 2015 წლიდან დაიწყო ბისერებისგან სამკაულების აწყობა, მაშინ მისი ქალიშვილი 2 წლის იყო, საყვარელი ხელსაქმე კი დეკრეტში მყოფი ეკონომისტისთვის მალე მთავარ საქმიანობად იქცა. ნატალია იყენებს ხარისხიან ბისერებსა და ნახევრად-ძვირფას თვლებს, დიზაინერის მიზანია სამკაულების მშვენებით რაც შეიძლება დიდხანს დატკბენენ ქალბატონები და ბიჟუტერია ესთეტიურად ძვირფას სამკაულად აქციოს.