სუპერმოდელთა აღლუმი Versace-ს შოუზე
გლამური დაბრუნდა. 80-იანები კვლავ საზეიმო ვითარებაშია. წინა სეზონის ტრიუმფალურმა რეპროსპექტივამ, რომელიც დონატელამ ძმის, ჯიანის ხსოვნას მიუძღვნა, ნათელი გახადა, რომ მთავარია რისკი, თუ მწვერვალების დაპყრობას ცდილობ.

Versace Fall 2018 Ready to Wear
კოლექცია მოიცავს პრიალა პალტოებს, სკოლის ფორმებისთვის დამახასიათებელ საყელოებს, ბეჟ ქსოვილებს და ბერეტებს - ასე რომ, ბრენდი საკუთარ ხელწერას სამოსზე კვლავ ეფექტურად აღბეჭდავს. "ვერსაჩეს" ახალი შოუ რაღა თქმა უნდა მოდის ინდუსტრიის ცნობილი მოდელებით იყო დაკომპლექტებული: ჩვენება ნატალია ვოდიანოვამ გახსნა. ჯიჯი ჰადიდი და კაია გერბერი პოდიუმზე ორ-ორჯერ გამოვიდნენ.
Fendi FW18 ლოგომანიის ტრენდით
სასურველი ნივთები და აქსესუარები
Fendi FW18 კოლექციიდან


კარლ ლაგერფილდის ახალი კოლექცია Fendi-სთვის საკმაოდ თავშეკავებული და მკაცრია. ზოგადად, კარლს გრაფიკული ხაზები ყოველთვის უყვარდა, მაგრამ ახალ სეზონზე სიმკაცრე ფერთა პალიტრის შერჩევითაც წარმოაჩინა. კოლექცია გაჯერებულია ხორცისფერი, ყავისფერი და ნაცრისფერი ფერებით, რომლებიც თეთრი საყელოებითაა მორთული და პრესტიჟული კოლეჯის ჩაცმულობას მოგვაგონებს. კვადრატულ მხრებს ლაგერფილდისთვის ახლა ფუნდამენტური მნიშვნელობა აქვს. ამჯერად კარლმა athleisure-ს მიმართა, კოლექცია ყოველდღიური მოხმარების აქსესუარების სიუხვით გამოირჩევა და "ფენდის" ლოგოს ყველგან ვხედავთ!
ალესანდრო მიკელეს გიჟური იდეები
Gucci FW18-19
ალესანდრო მიკელეს გიჟური იდეები
დიზაინერმა ახალი კოლექცია ადამიანის გაორებულ ბუნებას მიუძღვნა


"გუჩის" ახალი კოლექციის ჩვენებას ყველა მოუთმენლად ელოდა. დიზაინერმა სტუმრებს მოსაწვევების ნაცვლად ელექტრო თაიმერები გაუგზავნა, რომელზეც შოუმდე დარჩენილი დრო ისახებოდა. ლოკაციაზე მისულ საზოგადოებას უცნაური გარემო დახვდა: ინტერიერი საავადმყოფოს, კერძოდ კი საოპერაციო ოთახს მოგაგონებდათ. ალესანდრო მიკელე არამხოლოდ ტანისამოსის დიზაინის შექმნისასაა ნიჭიერი, არამედ მათი ეფექტური წარმოჩენის დროსაც.

იმისთვის რომ გაგვაოცოს, დიზაინერმა საკუთარ თავს უნდა გაადაბიჯოს: მიკელემ შეძლო სეზონიდან სეზონამდე ტემპი არ დაეგდო და რამდენიმე გიჟური იდეა ამჯერადაც შემოგვთავაზა


David Koma FALL 2018 READY TO WEAR
ქართველმა დიზაინერმა David Koma ლონდონის მოდის კვირეულზე ახალი FALL 2018 კოლექცია წარმოადგინა

დევიდ კომახიძემ Mugler-ის კრეატიული დირექტორის პოსტი დატოვა და ახლა მთელ ძალისხმევასა და ენერგიას საკუთარ ბრენდს David Koma-ს ახმარს. "ეს ახალი დასაწყისია ჩემთვის. ამ კოლექციაზე მუშაობა ძალიან დიდ სიამოვნებას მანიჭებდა."- ენთუზიაზმით განაცხადა კომამ კულისებში.

ლონდონში მოღვაწე ქართველი დიზაინერი მე-19 საუკუნის არტისტის ედვარდ კურტისის ეთნოგრაფიული ფოტოებით მოიხიბლა, ამიტომაც, კომას კოლქეციაში ფოლკლორის ელემენტებს ვხედავთ, რომელიც 60-იანების სილუეტს ეფექტურად ერწყმის. "ბუმბულები ძალიან პოეტური და სენსიტიურია, ამიტომაც ვფიქრობ მათ სამოსს განსაკუთრებული ხიბლი შესძინეს."
სეზონის ტრენდი: ლოგომანია
მოდის ბრენდებმა სულ უფრო და უფრო გაამძაფრეს საკუთარი ლოგოების და სახელწოდებების ტანისამოსზე დატანა. თითქოს მოდის ინდუსტრია უფრო და უფრო მკაფიოდ ცდილობს ამა თუ იმ დიზაინერის ხელწერის გარჩევა ადვილი გახდეს. აღსანიშნავია, რომ ტრენდის დამკვიდრებაში დიდი წვლილი დემნა გვასალიას ეკუთვნის, რომელმაც Balenciaga-ს წარწერები ფეხსაცმელებსა და მოსაცმელებზე მასშტაბური გახადა. ამასთან, ამ ტრენდის მორგება თქვენს ირონიულ დამოკიდებულებას უფრო გამოკვეთს ვიდრე იმით თავის მოწონებას, თუ რომელი ბრენდი გაცვიათ.
BAFTA 2018: წითელი ხალიჩა
BAFTA 2018-ის წითელი ხალიჩაც Time's Up-ის მოძრაობას მიეძღვნა და ყველა ვარსკვლავმა შავი სამოსით მოიწონა თავი. ალბერტჰოლის დარბაზში ჰოლივუდის ლამაზმანებმა და სამეფო ოჯახის წარმომადგენლებმა: ქეით მიდლტონმა და პრინცმა უილიამმა მოიყარეს თავი. საღამოს უდაო ლიდერი ფილმი Three Billboards Outside Ebbing, Missouri გახდა.
კარა დელევინის დაბრუნება და კრისტოფერ ბეილის დამშვიდობება
რითი დაგვამახსოვრდება სეზონის ერთ-ერთი ყველაზე გახმაურებული შოუ
კარა დელევინის დაბრუნება და კრისტოფერ ბეილის დამშვიდობება
Burberry SS18

ბრიტანული ბრენდის Burberry-ის გაზაფხული-ზაფხულის ჩვენება ყველას დიდხანს დაამახსოვრდება. ამისათვის კი სულ ცოტა 3 მიზეზი არსებობს. პირველი და ყველაზე მნიშვნელოვანი - ბრენდის კრეატიულმა დირექტორმა კრისტოფერ ბეილიმ ამ კოლექციით მოდის სახლი დატოვა. დიზაინერმა Burberry-ისთვის 17 წელი იმუშავა. მან შემოქმედებითი გუნდი 2001 წელს ჩაიბარა. 2015 წელს კი ბრენდის სეოც გახდა.

ამ დროის განმავლობაში კრისტოფერმა ბევრს მიაღწია: ახალი საუკუნის დასაწყისში Burberry არც ისე სახარბიელო მდგომარეობაში იყო. ახლა კი ბრენდი ლონდონის მოდის კვირეულზე ერთ-ერთი ყველაზე საინტერესო ჩვენებებით გამოირჩევა.
გამორჩეული Casual სტილისტები
ადრე პოპულარულ მოდელებსა და მსახიობებს წითელი ხალიჩის მიღმა რაც მოესურვებოდათ იმის ჩაცმა შეეძლოთ. ახლა, როცა მათ ყოველ ნაბიჯს პაპარაცები აფიქსირებენ, სიტუაცია რადიკალურად შეიცვალა. ეს გაიაზრეს არამხოლოდ თავად ვარსკვლავებმა, არამედ ბრენდებმაც, რომლებიც უკვე დიდი მონდომებით უშვებენ casual სტილის სამოსს.

წარმოგიდგენთ სტილისტებს: რომლებიც ზრუნავენ ვარსკვლავების ყოველდღიურ იმიჯზე
კრისტიან კლასენი სელენა გომესის სტილისტი თვლის, რომ დღეს ინსტაგრამზე განთავსებული სელფი ყურადღების მიქცევისთვის გაცილებით ძლიერი ინსტრუმენტია, ვიდრე წითელ ხალიჩაზე მორგებული Haute Couture-ის სამოსი. მიზეზი მარტივია - casual სტილის ნივთები ყველას სჭირდება და ისინი ხელმისაწვდომია. სტილისტ მიმი კეტრელი კი ხშირად თანამშრომლობს ქართველ დიზაინერებთან, მისი სთაილინგით ჯიჯი და ბელა ჰადიდებმა მრავალჯერ მოირგეს ქართული ბრენდები.
Calvin Klein Fall 2018
ნიუ იორკი მოუთმენლად ელოდა რაფ სიმონსის Calvin Klein-ის FALL 2018 კოლექციის ჩვენებას. ჩვენების front row ცნობილი ადამიანების სიუხვით გამოირჩეოდა, ჰოლივუდის სტუმრები დიზაინერმა პოპკორნის ხროვაში მოათავსა. სივრცე ენდი ვორჰოლის ფოტოებით და Sterling Ruby-ის სკულპტურებით იყო გაფორმებული, რაც დეკონსტრუირებული ბეღელის იერს ქმნიდა.

პოდიუმზე პოპკორნის ხრაშუნით შემოაბიჯეს მოდელებმა მეხანძრის კოსტუმებით ინსპირირებული ლუქებით. საკმაოდ უცნაური და მოულოდნელი აღმოჩნდა რაფ სიმონსის რიგით მე-3 კოლექციისთვის შერჩეული მატერია აქსესუარებისთვის: ნაქსოვი და ცეცხლდამცავი ფოლგის ჩაფხუტები.
რა აცვიათ ნიუ-იორკის ქუჩებში
მოდის კვირეულის სტილი
რა აცვიათ ნიუ-იორკის ქუჩებში

ნიუ-იორკში მოდის კვირეული მიმდინარეობს, სადაც დიზაინერები 2018 წლის შემოდგომა-ზამთრის კოლექციებს წარადგენენ. კვირეულის პირველივე დღეებში უზარმაზარი მეგაპოლისის ქუჩები მთელი მსოფლიოს მოდის მიმდევრებმა გაავსეს - ბევრმა მიმართა ექსპერიმენტებს, ბევრმაც სეზონის ჰიტად ქცეული ტრენდები წარმოადგინა. კუბოკრულ პიჯაკებს გრძელი პალტოები, დიდი ზომის ჯემპერებს ჯინსები შეუხამეს. გოგონებმა ფერადი ბოტფორდები, ტყავის ბერეტები და პლედებიც მოირგეს.
ფერთა 3 მოდური კომბინაცია
ფერთა 3 მოდური კომბინაცია 2018 წლის გაზაფხული-ზაფხულის სამოსში: ნაზი პასტელის ფერები, ვარდისფერი წითელთან თუ მთელი ცისარტყელა.

2018 წლის ზაფხულის ფერი ულტრაიისფერი გახდა. ეს ელფერი ყველაფერს ნამდვილად არ უხდება, ზოგიერთს კი ის საერთოდ არ მოსწონს. ამასთან, იასამნისფერს სხვა ფერიც ადეკვატურად უნდა შეურჩიო, რათა მთელი ჩაცმულობა ეფექტური გამოდგეს. თუმცა, მომავალ გაზაფხულისა და ზაფხულის სეზონზე არამხოლოდ ის იქნება აქტუალური, არამედ სხვა ნათელ ფერთა პალიტრაც.
Off-White c/o Jimmy Choo
ვირჯილ აბლოს ბრენდი Off-White™ კოლექციის შექმნისას ძირითადად კოლაბორაციულ პროექტებს მიმართავს, Nike და Champion-თან გახმაურებული თანამშრომლობის შემდგომ Off-White™ ამჯერად Jimmy Choo-სთან ერთად აწარმოებს ფეხსაცმელს მიმდინარე კოლექციისთვის. საპრეზენტაციო წვეულებაზე ვირჯილმა უამრავ სტუმარს და ცნობილ ადამიანს მოუყარა თავი: კენდალ ჯენერი, ბელა ჰადიდი, ჰეილი ბოლდუინი, კაია გერბერი, ნაომი კემპბელი, როზი ჰანტინგტონ უაითლი, მარტა ჰანტი, ანია რუბიკი, სიმი & ჰეიზ ხადრა, აირენ კიმი, ქეროლინ ვრილენდი... სტუმართა უმრავლესობა მოდელის როლში მოგვევლინა, მათ ემოსათ Off-White™-ის უახლესი კოლექცია.


Ralph Lauren-ის საზღვაო კოლექცია
რალფ ლორენმა კვლავ გვიჩვენა ისეთი კოლექცია, რომლის ყიდვაც მაშინვე გინდება. სანამ, მისი კოლეგები 2018 წლის შემოდგომა-ზამთრის სეზონს წარმოადგენენ, 79 წლის დიზაინერი აწმყოთი ცხოვრობს და გაზაფხული-ზაფხულის სამოსს გვიჩვენებს. ჩვენების ახლებური ფორმატი რომ არ გავითვალისწინოთ, ამერიკული სტილის მეფეს საკმაოდ ტრადიციული კოლექცია გამოუვიდა. ბრენდი, რომელსაც საერთოდ არ სურს რევოლუცია მოახდინოს, სწორედ ამ ხარისხის დეტალის გამოა Ralph Lauren განუმეორებელი.

ეს სეზონი საზღვაო კურორტის სტილს დაეთმო. კოლექცია იამაიკის ნავსადგურითაა შთაგონებული, სადაც ლორენს საკუთარი სახლი აქვს. კოლექციაში წარმოდგენილია ფერები: თეთრი, ლურჯი, ყვითელი, წითელი და მწვანე საზღვაო თემატიკის ალმების, დროშებისა და პრინტების სახით. კოლექცია იამაიკის ნავსადგურითაა შთაგონებული, სადაც ლორენს საკუთარი სახლი აქვს. წარმოგიდგენთ 5 მთავარ ინსპირაციულ დეტალს
Philipp Plein FALL.18 RTW
Philipp Plein-ის მფრინავი თეფშის დაშვება
პლეიბოის ზამთრის კურორტის mansion-ზე
.

მართალია ნიუ იორკში მოდის კვირეულის ფარგლებში გამართული ჩვენებები მუდამ გამოირჩევა ორიგინალური ლოკაციებით და შოუს ეფექტებით, თუმცა Philipp Plein-მა ყველა გააოცა როგორც შოუს მოცულობით ასევე მისი გაურკვეველი კონცეპციით. Philipp Plein-მა ჩვენებაზე კოსმოსური ხომალდიდან დაუშვა ტრანსფორმერი:რობოტი და ირინა შეიკი, რაც საერთო ჯამში 10$ მილიონი დაჯდა.

კოლექცია სპორტულ სამოსს აერთიანებდა, პოდიუმზე ვიხილეთ ski და სნოუბორდისთვის განკუთვნილი სამოსი, ჩვენება მოგვიანებით ერთ დიდ წვეულებაში გადაიზარდა. საერთო ჯამში კოლექცია PLAYBOY-ის მოყვარულ, უცხოპლანეტელების ისტორიებისა და ზამთრის სპორტის მიმდევართა ინტერესების მიქსს წარმოადგენს.
კაროლინა ერერას უკანასკნელი ჩვენება
კაროლინა ერერას უკანასკნელი ჩვენება მოდის სამყარო განსაკუთრებული ყურადღებით ელოდა ნიუ იორკის მოდის კვირეულზე კაროლინა ერერას ჩვენებას, რომელიც 79 წლის დიზაინერისთვის უკანასკნელი ჩვენება გახლდათ.

დიზაინერი ვენესუელადან უზადო გემოვნებით და სტილის შეგრძნებით, კაროლინა 1980 წლიდან უდგას სათავეში მის მოდის სახლს, რომელიც LUXURY ბრენდს წარმოადგენს და გამოირჩევა ელიტარული კლიენტებით. Carolina Herrera ნიუ იორკში დაფუძნდა და ქმნიდა ამერიკულ მოდას!

ფინალურ შოუზე კაროლინა ატელიეს მუშაკებთან ერთად დაგვემშვიდობა პოდიუმიდან, მოდელების რიგი მის ყველაზე სახელოვან თეთრ პერანგსა და ფერად ქვედაბოლოებში გამოწყობილნი გამოვიდნენ. Carolina Herrera მოდის სახლს დიზაინერი Wes Gordon წარუძღვება, რომელიც ბოლო პერიოდია კაროლინას დამხმარედ მუშაობდა და ღირსეულ მემკვიდრედ მოიაზრება.