I CHALLENGE YOU - IN #MYCALVINS
I CHALLENGE YOU - IN #MYCALVINS
ქელვინ ქლაინის ახალი, ამბიციური ხაზი ბელა ჰადიდის მონაწილეობით უკვე საქართველოშია!


კამპანია, რომელიც წარმოადგენს ქელვინის ახალ სპორტულ ხაზს - Calvin Klein Performance, ეხება თვითგამოხატვის საზღვრებს, ინდივიდუალური პერფორმანსის შესაძლებლობებსა და ადრენალინზე დაფუძნებულ ახალ, თავგადასავლებით სავსე გამოწვევებს. სასიამოვნო სიახლეა, რომ Calvin Klein Performance-ის ხაზი უკვე ქართველ მომხარებელსაც შეუძლია მოირგოს ბრენდის ახალგახსნილ შოურუმში, რომელიც ქავთარაძის 1-ში მდებარე “სითი მოლში” მდებარეობს. შოურუმი საქართველოში ნიუ იორკის, დუსელდორფის და შანხაის შემდეგ გაიხსნა, რითიც ბრენდმა საქართველოს და ქართველ მომხმარებელს დიდი ნდობა გამოუცხადა. ეს გახლავთ სრულიად ახალი კონცეფცია, სადაც წარმოდგენილია ბრენდის ყველა ძირითადი ხაზი ერთ სივრცეში!
თბილისის MB მოდის კვირეულის მიმოხილვა ინსაიდერებისგან
დასრულდა მერსედეს-ბენცის თბილისის მოდის კვირეული, რომელსაც ორგანიზებას სოფო ჭყონია უწევდა. ქართველმა დიზაინერებმა მრავალფეროვანი კოლექციები შემოგვთავაზეს და დადებითად გაშუქდა მსოფლიო პრესაში, მოდის კვირეულის ორგანიზების საკითხი მაღალ საფეხურზე იდგა. თბილისის პოდიუმს დაუბრუნდნენ ავთანდილი და ბიჭოლა!

წარმოდგენილი კოლექციების წარმატებაზე პოდიუმს მიღმა ნანახი ლუქები მეტყველებს. მოდურმა ქალბატონებმა და უცხოერმა ბლოგერებმა უმალ მოირგეს სამოსი და აქსესუარები ქართველი დიზაინერების უახლესი კოლექციებიდან. კვირეულის შეჯამება კი მოდის სფეროში მოღვაწე პროფესიონალებს მივანდეთ, EDITORIAL.ge-მ სთხოვა მათ გაენდოთ შთაბეჭდილებები და დაესახელებინათ ფავორიტი კოლექციები
Matériel Tbilisi, SS20
MBFW თბილისი:
Matériel
RTW ზაფხული 2020

Matériel-ის მოდის სახლის 2020 წლის გაზაფხულის კოლექციაზე დიზაინერმა ალექსანდრე ახალკაციშვილმა იმუშავა, რომელმაც ამ სეზონზეც ერთდროულად ორი კოლექცია წარმოგვიდგინა მერსედეს ბენცის მოდის კვირეულზე (ერთი საკუთარი სახელით). დიზაინერი არ შეუშინდა ფერებს და ქოლორბლოქინგითაც დატვირთა ტყავის მატერიები. პალტოები, პიჯაკები და საღამოს კაბები - თავის მრავალფეროვნებაში არ ჩაიკარგა კოლექციის ხასიათი. Matériel უდავოდ ყველაზე მძლავრი და მდგრადი, ფავორიტი მოდის სახლია საქართველოში.
NINO SEPO - "LIFE AS A GEOMETRY"
სამკაულების დიზაინერ ნინო სეფიაშვილის კოლექცია 2020 წლის ზაფხულისთვის, წარმოდგენილი თბილისის MB მოდის კვირეულის ფარგლებში.
LIFE AS A GEOMETRY
"ისტორიები როგორც წრფეები და ადამიანები როგორც წერტილები. გეომეტრიულად ორ წერტილს შორის ყოველთვის ივლება ერთი წრფე წრფეები არს​ებობს გადამკვეთი პარალელური აცდენილი ისევე როგორც ისტორიები"...
GEORGE KEBURIA - SPRING/SUMMER 2020
წარმატებული ქართველი დიზაინერის, GEORGE KEBURIA 2020 წლის ზაფხულისთვის განკუთვნილი კოლექცია სულ ცოტა ხნის წინ ვიხილეთ თბილისის მერსედეს-ბენცის მოდის კვირეულზე SOLO-ს ფილიალში გამართული ულამაზესი შოუ-ჩვენებით. ამჯერად კი წარმოგიდგენთ კოლექციის ლუქბუქს, სადაც უკეთ ფოკუსირებას მოახდენთ მხოლოდ სამოსზე და აქსესუარებზე. კოლექციის შექმნა გიორგის 80-იანების საპნის ოპერებმა, ანუ სერიალებმა შთააგონა, სადაც დრამებით გაჟღენთილი საშუალო ხნის ქალბატონების ცხოვრება სკანდალების მიუხედავად მუდამ მოწესრიგებულად მიედინება. ქებურია ახალ სეზონზე 3 ტიპის oversized-ფორმის მზის სათვალეებს წარმოგვიდგენს: მრგვალ, D-ჩარჩო და მართკუთხა ფორმით. ასევე დიზაინერი უხვად გვთავაზობს ჩანთებს!
LADO BOKUCHAVA, SS20
MBFW თბილისი:
LADO BOKUCHAVA
RTW ზაფხული 2020

ლადო ბოკუჩავამ მორიგი დამოუკიდებელი კოლექცია წარმოადგინა
მერსედეს-ბენცის თბილისის მოდის კვირეულზე. მე-16 საუკუნის კორსეტის დეტალებით გამყარებული კოსტუმის ანსამბლები და კაბები დიზაინერმა თავისუფლად დრაპირებული შარფის ტიპის ტოპებით შეკრა. დეკორირებული გრძელი ხელთათმანები და პარაშუტი-კაბები კოლექციას ფემინურ შტრიხებს მატებდა.
MBFW თბილისი: მრავალფეროვანი ზაფხული 2020
განსაკუთრებით ველოდით თამუნა ინგოროყვას, მაკა კვიციანის და დები-მაჭარაშვილების კოლექციას მერსედეს-ბენცის თბილისის მოდის კვირეულზე. ქართველმა დიზაინერებმა მრავალფეროვანი კოლექციები წარმოგვიდგინეს: ლაკო ბუკიამ გასაოცარი ქსოვილები შექმნა; Dalood-მ ნაქსოვი სვიტერები და კოქტეილის კაბები, ინგოროყვამ კი ტყავისა და დენიმის მატერიის ძლიერი მხარე წარმოგვიდგინა. თაკო მექვაბიძე ულამაზეს პრიალა ანსამბლებს გვთავაზობს საღამოს წვეულებისთვის, MACH&MACH-ც როგორც ყოველთვის სადღესასწაულო განწყობაზეა! მაშინ როდესაც, ბაბუხადიას კოლექციას "utility" cool vibes უჭირავს.

MBFW თბილისი: RTW ზაფხული 2020
INGOROKVA, Mach & Mach, DALOOD, Babukhadia, Aka Nanita, Lako Bukia, Tako Mekvabidze, Nemsen
Blikvanger 2020 Spring/Summer
Blikvanger-ის კოლექცია არასდროს ემყარება კონკრეტულად ერთ სპეციფიურ თემატიკას. თავისი მრავალფეროვნებით ქართული ბრენდი ამსხვრევს სტერეოტიპებს, რომელიც ადამიანებს ათავისუფლებს და გამბედაობას მატებს. თავდაჯერებულობა, ფერთა პალიტრა და გაბედული ფორმები ამ წლის კოლექციაში უკვდავების ვაშლის ფანტაზიის ჟანრის ირგვლივ ვარირებს. 2020 წლის გაზაფხული-ზაფხულის კოლექციაში ნაქსოვ ჯემპერებთან ერთად წარმოდგენილია ტყავის პალტოები და კაბები მბზინავი აპლიკაციებით.
Ananana - მუტაციური ქუდები
აქსესუარების და ქუდების დიზაინერ Ananana კოლექციის თემაა მუტაცია, როგორც ადამიანის ტრანსფორმაციის უხეში ფორმა. Ananana-ს კოლექციის მოდელებმაც მუტაცია განიცადეს, ისინი არ არიან უბრალოდ ქუდები.... კოლექციის პრეზენტაციისთვის ანა-ნანა ჩიკვილაძემ, ქართველ მოქანდაკე ირაკლი მიზრახი-ბერიასთან ერთად შექმნა 2 მეტრიანი ქანდაკება, სპეციალურად MBFW-სთვის.
GIAMBATTISTA VALLI x HM უკვე თბილისშია!
H&M-ის ყველაზე ამბიციური კოლაბორაცია;
Giambattista Valli x H&M 7 ნოემბრიდან
„გალერია თბილისი“ H&M-ის მაღაზიაში!


GIAMBATTISTA VALLI x HM  უკვე თბილისშია!

თბილისში, მწერალთა სახლში, იტალიელი დიზაინერის ჯამბატისტა ვალისა და შვედური ბრენდის H&M-ის კოლაბორაციის აღსანიშნავი წვეულება გაიმართა. მოწვეულმა სტუმრებმა კოლექცია სპეციალურად პრეზენტაციისათვის შექმნილი ჰოლოგრამული ვიდეო ინსტალაციის სახით იხილეს.

კოლექციის გლობალური წარდგენა 24 ოქტომბერს რომში გაიმართა, რის შემდეგაც პროექტის პრეზენტაცია უკვე მსოფილიო მასშტაბით, სხვადასხვა ქვეყანაშიც გაგრძელდა. თბილისური პრეზენტაციის მთავარი თემა კოლექციის სიმბოლო “გული” გახლდათ, რაც მოწვეულ სტუმრებს სხვადასხვა სახით, დეკორის ელემენტებში დახვდათ წარმოდგენილი. მწერალთა სახლის გამორჩეული ინტერიერი იდეალურად შეერწყა კოლექციის განსაკუთრებულ ხასიათს. 200-ზე მეტი სტუმარი დაესწრო კოლექციის საზეიმო წარდგენას.
MB თბილისის მოდის კვირეულის სტუმრები, ნოემბერი 2019
Mercedes-Benz თბილისის მოდის კვირეულზე წარმოდგენილი გაზაფხული-ზაფხული 2020 წლის კოლექციებზე დამსწრე სტუმრები www.editorial.ge-სთვის ფოტოგრაფმა ანა ბაციკაძემ ასახა. თბილისის სტილი ასევე სხვადასხვა ცნობილი გამოცემების რეპორტიორებმა დააფიქსირეს, მოდის კვირეულს თავადაც მრავალი უცხოელი სტუმარი ესწრებოდა. ნოემბერი 2019
MBFW თბილისი SS20: თბილისელი ქალბატონების ფავორიტი დიზაინერებისგან
SOLO ფილიალში, ისტორიული შენობის დიდებულების ფონზე წარმოდგენილი - 80'იანების სერიალების გავლენით შექმნილი გიორგი ქებურიას კოლექცია ფერადი კონფეტის ფეიერვერკმა დააგვირგვინა, მოხიბლული აუდიტორია ოვაციით ფეხზე წამოდგა... წარმოგიდგენთ რამდენიმე დიზაინერს, რომელთა კოლექციასაც თბილისში განსაკუთრებული ყურადღებით და სიყვარულით ელოდნენ ;)

MBFW თბილისი: RTW ზაფხული 2020
Aleksandre Akhalkatsisvhili, GEORGE KEBURIA, JANASHIA, LALO, Salakaia, LIYA
ANOUKI: კოლექციის ჩვენება ვაკის პარკში
ANOUKI, RTW spring-summer 2020
Mercedes-Benz Tbilisi FW


ანუკი არეშიძის ჩვენება Mercedes Benz Fashion Week-ის ფარგლებში ღია ცის ქვეშ, ვაკის პარკის ცენტრალურ ნაწილში ჩატარდა. დიზაინერმა მოწვეულ სტუმრებს პატარა ნერგები დაურიგა, მოსაწვევს კი დიდი ასოებით ეწერა: "თითოეული მცენარე მნიშვნელოვანია!" შადრევანის და ბზის ხეივნის ფონზე მოწყობილ ყვითელ პოდიუმზე ორმოცზე მეტი მოდელი ვიხილეთ. როგორც წინა სეზონებზე, ანუკიმ აქცენტი ისევ ნათელ ფერებზე და ყვავილოვან პრინტებზე გააკეთა, რამდენიმე შავის დანართით. ჩვენება გია ყანჩელის "ყვითელი ფოთლების" თანხლებით დაიხურა.
SITUATIONIST: ირაკლი რუსაძის მორიგი ეკლექტიკა
ირაკლი რუსაძემ თბილისის Mercedes Benz Fashion Week-ის ფარგლებში ახალი კოლექცია წარმოადგინა. ქართველმა წარმატებულმა დიზაინერმა ლოკაციად თბილისის ცენტრალურ ნაწილში ერთი ძველი შენობა არჩია, სადაც სარემონტო სამუშაოების პროცესი მიმდინარეობდა. ორ სართულზე განაწილებულ მისტიკურ გარემოში შეკრებილმა საზოგადოებამ 56 მოდელი იხილა. Situationist-ის 2020 წლის გაზაფხული/ზაფხულის კოლექცია ყველას სითამამით დაამახსოვრდება, ეხება ეს ჭრილებს თუ ფერებს. დიზაინერი არ ღალატობს თავის საყვარელ მასალას - ტყავს და ამჯერადაც წარმოგვიდგენს მას სხვადასხვა ფორმით. რაც შეეხება კაბებს, ირაკლი რუსაძემ ამჯერადაც არაორდინალურ ფორმებს და ჭრილებს მიმართა და კაბები თხელი ქსოვილისგან ყველანაირი სიმკაცრისგან დაცლილი წარმოადგინა.
MBFW თბილისი SS20: გამორჩეული და პროვოკაციული კოლექციები ქართველი დიზაინერებისგან
მერსედეს ბენცის მოდის კვირეული ჰელოუინის დღეებს დაემთხვა, რომლის განწყობაც აკა ფროდიაშვილის და ლევან შველიძის კოლექციას 2020 წლის ზაფხულამდე გაყვება. წარმოგიდგენთ MBFW-ის პროვოკაციულ და არასტანდარტულ კოლექციებს დიზაინერებისგან: Aka Prodiashvili, Levau Shvelidze, Tamara Kopaliani, Tamra x Tamraskateboards, Blikvanger, David's Road RTW ზაფხული 2020, MBFW თბილისი