საპოვნელა: ბუნებრივი მოვლის საშუალებები
100%-ით ბუნებრივი მოვლის საშუალებები „საპოვნელა“-სგან
ეს ქართული ბრენდი ჯადოსნური პროდუქტებითაა დახუნძლული. გამოვარჩევთ ანტიბაქტერიულ დეოდორანტს, რომელიც არ შეიცავს ალუმინსა და პარაბინს! მკვებავ კრემს მბზინვარების ეფექტით და საახალწლო ბრჭყვიალა პუდრს ტანისთვის; ზღვის მარილის სკრაბი ნახშირითა და თიხით საპოვნელას სიახლეს წარმოადგენს, შექმნილია სახისა და ტანის სიღრმისეული წმენდისთვის; ასევე ცნობილია მათი დეტოქს საპნები.

საუკეთესო ხარისხის, ნატურალური ინგრედიენტები შეკაზმულია სამკურნალო მცენარეებით და დადამატებულია კლეოპატრას სილამაზის საიდუმლო - თხის რძე;

„საპოვნელას“ TOP-პროდუქტები
აქტუალური ზამთრის სუსხიანი ამინდებისა და ახალი წლისთვის.

სრულყოფილი კომბინაცია თქვენი ჯანმრთელი და ბზინვარე კანისთვის!
TOP-12 კორეული კოსმეტიკა
კორეული კოსმეტიკა გამოირჩევა მომენტალური რეზულტატით და კანზე ხანგრძლივ ეფექტს ტოვებს! სწორედ ამიტომაც სულ უფრო იზრდება ინტერესი კორეული თავის მოვლის სისტემის მიმართ. მართლაც, რთულია არ აღფრთოვანდე აზიელი ქალების კანის სილამაზით.

კორეული skincare:
თავის მოვლის 12 საუკეთესო საშუალება

რომლის შეძენაც საქართველოშიც შეგიძლიათ


კორეული თავის მოვლის ტრადიციები საუკუნოვან გამოცდილებაზე დგას, მათ არსენალშია ორგანული პროდუქტებით გაჯერებული ქიმიურად სრულყოფილი ინოვაციური საშუალებები. ნაოჭებთან ბრძოლას, ფორების შეკვრას და მზისგან დაცვას მთავარი ადგილი უჭირავს skincare რეჟიმში, კანის გათეთრება კი აზიელების საყვარელი პროცედურაა! მათი ყოველდღიური დეკორატიული კოსმეტიკაც სასარგებლო თვისებებით გამოირჩევა.
⭐ALHAMBRA-ს საშობაო კოლექცია
საახალწლო საჩუქრის იდეა
ქართული სამკაული


ALHAMBRA-ს ვარსკვლავის სამკაულის შექმნას საფუძვლად დაედო ბეთლემის ვარსკვლავის ისტორია. მაშინ, როდესაც იესო ქრისტე ქვეყნად უნდა მოვლენილიყო, მოგვებს, ცაზე გამოეცხადათ ვარსკვლავი, რომელიც დღის და ღამის განმავლობაში მუდამ ჩანდა ცაზე და მათ ბეთლემის გზა მიასწავლა. სწორედ ეს შობის ვარსკვლავია გამოყენებული ALBAMBRA-ს საშობაო კოლექციაში.

🎁 შობის სიმბოლო
⭐ბედის ვარსკვლავი!
🎄გააგრძელე საშობაო ტრადიცია - აჩუქე ბეთლემის ვარსკვლავი
🌈 ვერცხლში და მოოქროვილ ვერცხლში ჩასხმული ქართული ტრადიციული მინანქარის ფერთა მაგია
ELOSHI SS 2019
ქართველი დიზაინერი ლელა ელოშვილი მისი ბრენდის ELOSHI 2019 წლის ზაფხულის კოლექციის ლუქბუქს გვიზიარებს, თავად კოლექცია წარმოდგენილი იყო მერსედეს ბენცის მოდის კვირეულზე.

ფოტოგრაფი: ბექა ჩოქოშვილი
მოდელი: Maria Delruso
MUA: ანა თოდუა
ამადინა - თექის ყვავილები და სუკულენტები
ამადინა თათა ღვედაშვილის პროექტია, რომელიც თექის აქსესუარებს, დეკორს და მინანქრის სამკაულებს აწარმოებს. თათას გატაცებამ ჰერბარიუმებისადმი და თექის ტექნიკის ფლობამ საოცარი მიქსი წარმოადგინა, ჩვენი ყურადღება ამადინას თექის ხელნაკეთმა სუკულენტების საახალწლო ნაძვის ხეებმა, საშემოდგომო გვირგვინებმა და ბროშებმა მიიპყრო.
MB Tbilisi FW სტუმრების ჩაცმულობა SS19
MERCEDES-BENZ TBILISI FASHION WEEK 1-5 ნოემბრის ჩათვლით ჩატარდა თბილისში. მრავალმა სტუმარმა, ჟურნალისტმა, უცხოელმა მოწვეულმა ბლოგერებმა და ბაიერებმა მოიყარეს თავი ქართველი დიზაინერების 2019 წლის გაზაფხული-ზაფხული კოლექციების გასაცნობად. ჩვენებებისთვის და შოურუმისთვის მთავარ ლოკაციად თანამედროვე ხელოვნების მუზეუმის სივრცე შეირჩა რუსთაველის გამზირზე, ასევე ჩვენებებს საქართვველოს ბანკის HQ, მე-6 ექსპერიმენტული სკოლა, SILK FACTORY, კლუბი ბასიანი, მწერალთა სახლი, სასტუმრო რუმსი და "სტამბა"-ს კაფემ უმასპინძლა.

STREET STYLE
ჩვენებებს 5 დღის განმავლობაში უამრავი სტუმარი ესწრებოდა, გამორჩეული ლუქები გიორგი ახალკაციშვილმა აღბეჭდა მის ობიექტივში, სპეციალურად EDITORIAL.GE-სთვის.
KOBAKHIDZE ss 2019
სერგო კობახიძის 2019 წლის ზაფხულის სეზონისთვის შექმნილი კოლექციის ინსპირაცია ყვავილები და მცენარეებია. მათგან აღებულია სილუეტები, რაც ლუქებში ფოთლისებური ფორმებით და ასიმეტრიული ელემენტებით გამოიხატება. კოლექციაში წარმოდგენილი თითქმის ყველა კოსტუმი განსხვავდებიან ერთმანეთისგან ფერებით, ურთულესი და უმარტივესი კონსტრუქციული ფორმებით. მთლიანობაში შეიქმნა საინტერესო, ავანგარდული კოლექცია.
INGOROKVA SS 2019
თამუნა ინგოროყვა 2019 წლის ზაფხულის სეზონისთვის ძირითადად დენიმის ანსამბლით დაკომპლექტებულ კოლექციას წარმოგვიდგენს, რომელიც სულ მალე იქნება ნაჩვენები მერსედეს-ბენც თბილისის მოდის კვირეულზე.

INGOROKVA

ფოტოგრაფი: ლევან ჭყონია
მოდელი: ნინა ბოჭორიშვილი
ნათია ჯგუბურიას სტილი
ნათია ჯგუბურია პერსონალური სტილისტია, რომელიც თბილისის მოდის კვირეულის გენერალური მენეჯერის პოსტს იკავებდა ბოლო 5 წლის განმავლობაში და კულისებს მიღმა street style ფოტოგრაფების ფავორიტია, trendspotter-ების ობიექტივიდან საკუთარ ინსტაგრამზე გვიზიარებს მისი ჩაცმულობის ამსახველ პოსტებს fifunia-ს სახელით.
EDITORIAL-თან ინტერვიუში აღნიშნა, რომ: ფინანსური შესაძლებლობები საჭიროა არა სტილის არამედ ბრენდების შესაძენად, შეზღუდული ფინანსები კი მეტ გასაქანს აძლევს კრეატივს.
BERADZE SS 2019
BERADZE - თბილისში დაარსებული ბრენდია, თამუნა ბერაძე 2019 წლის ზაფხულის კოლექციას მერსედეს ბენცის თბილისის მოდის კვირეულზე აჩვენებს. კოლექციის ლუქბუქს კი მოდელი თეკლა ჩიჯავაძე წარმოგვიდგენს.

კოლექცია 70-იანების განწყობით არის შთაგონებული, რომელიც აერთიანებს ბრიტანულ პანკს, დისკოს და ჰიპის პერიოდს და წარმოადგენს გარდასული დეკადის თანამედროვე ხედვას. კოლექციის სახელია: GIRLS WITH NARCISSISTIC PERSONALITY DISORDERS, ის 70'იანების ხელოვანი ედ რუშეის შემოქმედების კალიფრნიული ვაიბის გავლენის ქვეშაა მოქცეული. 70'იანები გახლდათ პერიოდი, რომელიც ხელს უწყობდა ახალი იდეების და აზრების რეალიზებას, პერიოდი როდესაც ქალთა უფლებებმა და როლმა იწყო გამომხატველობითი ზრდა და ანდროგენული იერი ტრენდული გახდა. ეს კოლექცია არის ქალბატონებისთვის, რომლებსაც სურთ გამოირჩეოდნენ.
DE.NIM SS 2019
დიზაინერ ნინო მახარობლიძის ბრენდის DE.NIM სადებიუტო 2019 წლის საზაფხულო კოლექცია მერსედეს-ბენცის თბილისის მოდის კვირეულის შოურუმში იქნება წარმოდგენილი.

ჯინსი მოდაში “ დემოკრატიას” წარმოადგენს, არმანი - ეს ფრაზა გახდა ბრენდის დაარსების და კოლექციის შექმნის მთავარი ინსპირაციის წყარო, DE.NIM-ის (ჯინსის ქსოვილი) - კოლექცია დამზადებულია ნატურალური აბრეშუმის და ბამბის ქსოვილებისგან. უკვე დამკვიდრებული და “ კლასიკად” ქცეული მოდელების დეკონსტრუქცია და სრულიად ახალი ხედვით წარმოდგენა არის ბრენდის მთავარი კონცეფცია.
თბილისის მოდის კვირეულის სტუმრები #18
თბილისის მოდის კვირეულის მე-18 სეზონის ჩვენებებზე დამსწრე სტუმრების ჩაცმულობა ტრადიციულად EDITORIAL.ge-ს ფოტოგრაფმა: ანა ბაციკაძემ დააფიქსირა. კვირეული წელს მცირე მასშტაბით გაიმართა, ღონისძიებებს ძირითადად ღვინის უბანმა უმასპინძლა, სადაც სულ რამდენიმე ქართველმა და უცხოელმა დიზაინერმა წარმოადგინა 2018-19 ზაფხულის კოლექციები. თუმცა TFW-ს მრავლად ესწრებოდნენ მოწვეული სტუმრები და ჟურნალისტები.
თბილისის მოდის კვირეულის მე -18 სეზონი
თბილისის მოდის კვირეულის მე -18 სეზონი 18-დან 21 ოქტომბრის ჩათვლით გაიმართება. 2019 წლის გაზაფხული-ზაფხულის სეზონის კოლექციების ჩვენებებს, შოურუმს და სხვა ღონისძიებებს ღვინის უბანი უმასპინძლებს (პეტრიაშვილის N1).

თბილისის მოდის კვირეული ტრადიციისამებრ ქართული კულტურისა და ხელოვნების ლეგენდებს გააცოცხლებს და ამჯერად, SOLO წარმოადგენს პროექტს - Style Icon, რომელიც მთაწმინდაზე ჩატარდება და ქართული სტილის კერპს, ბელა მირიანაშვილს მიეძღვნება.

კვირეულის 4 დღიანი პროგრამა 20-მდე ღონისძიებას მოიცავს, რომელთა შორისაა ქართველი და უცხოელი დიზაინერების: ლაშა ჯოხაძის, „მირო“-ს, „Ethere“-ს, „მატურელი“-ს, „მაკმარი“-ს, „რუარუა“-ს, ლაშა დევდარიანის, „წითე“-ს და სხვათა ჩვენებები. კვირეული ქეთი ჩხიკვაძის ჩვენებით დაიხურება. ღონისძიებას ტურიზმის ეროვნული ადმინისტრაციის მოწვევით დაესწრებიან „ვოგის“, „ელის“, „ჰარპერს ბაზაარის“, „ელ ოფისიელის“, „მარი კლერის“ და სხვა ცნობილი გამოცემების ჟურნალისტები. „აწარმოე საქართველოს" მოწვევით კი, მოდის კვირეულს უცხოელი შემსყიდველები, ე.წ. ბაიერები დაესწრებიან.
ნაქსოვი ტანსაცმელი Woolen Stories-გან
აქტუალური ქართული ბრენდი შემოდგომა-ზამთრის სეზონისთვის: ნაქსოვი ტანსაცმელი და აქსესუარები Woolen Stories-გან

ქართულ ბაზარზე ბრენდი Woolen Stories არც თუ ისე დიდიხანია რაც გამოჩნდა, ნაქსოვი პროდუქცია გამოჩენისთანავე ძალიან კარგად მიიღო და მოიწონა ქართველმა მომხმარებელმა. შესაბამისად, ბრენდი პოპულარული გახდა.

ხელით ნაქსოვი პროდუქცია მზადდება ონლაინ შეკვეთით ნებისმიერ ფერის და ზომის, მომხმარებლის სურვილისამებრ. ფასები 45-280 ლარამდე მერყეობს. დეტალურად Woolen Stories ნაწარმს გაეცნობით მათ ფეისბუქ ფეიჯზე: Woolen Stories
Elenny SS2019
ქართველი დიზაინერის, ელენე გიორგაძის ბრენდის Elenny SS2019 კამპანიას ფოტოგრაფი ლაშა ბაკურაძე წარმოგვიდგენს. კოლექცია სულ მალე, თბილისის მერსედეს-ბენცის მოდის კვირეულზე იქნება ნაჩვენები.