25 მანიკურის იდეა ნიუ იორკიდან
25 მანიკურის იდეა ნიუ იორკის მოდის კვირეულიდან

ნიუ იორკის მოდის კვირეულზე განსაკუთრებული ყურადღება დაეთმო მანიკურს. რომელიც მრავალფეროვნებით და ნეილ-არტით გამოირჩეოდა. ასეთი მნიშვნელოვანი შტრიხების დასრულება დიზაინერებმა თავად მანიკურისტებს მიანდეს, მოდელების ფრჩხილებზე ცნობილი ბრენდების Essie და CND-ის პროფესიონალები მუშაობდნენ. წარმოგიდგენთ რამდენიმე გამორჩეულ იმიჯს.
Versus Versace Spring 2019 RTW
Versace-ს თინიჯერ ხაზს Versus მართალია 2019 წელს 30 წელი შეუსრულდება, თუმცა ის ჭეშმარიტ მილენიანად ითვლება და გვიან-თინეიჯერად მიიჩნევს თავს. იუბილესთან დაკავშირებით დონატელამ ვერსუსის კოლექციას მეტი ისტორიული ფასეულობა შესძინა, ჯანის ხელით დაწერილი ფრაზა “Gianni Gave Donatella Versus 1989” დაიბეჭდა ვერსუსის 2019 წლის ზაფხულის კოლექციის სამოსზე დეკორის ელემენტებით. კოლექციას დღეს ახალგაზრდა დიზაინერთა ჯგუფი ხელმძღვანელობს, მათი გათვლა კვლავ მასიურია - ვერსუსი ყველა ახალგაზრდისთვის, ვერსუსი ქუჩებში.
Calvin Klein 205W39NYC
დიზაინერ რაფ საიმონსის Calvin Klein-ისთვის შექმნილი 205W39NYC კოლექცია, რომელიც ნიუ იორკში 205 West 39 ქუჩაზე წარმოადგინა ასახავს დიზაინერის საყვარელი ფილმების გავლენას მის შემოქმედებაზე. პოდიუმზე ვიხილეთ დეკონსტრუირებული სამოსი და ფან-მაისურები ფილმ Jaws-სთვის, ხოლო კლასიკური რუშებიანი კაბები და პიჯაკები The Graduate-ის ფილმის ინსპირაციით. რაფი ბრენდში უკვე 2 წელია მოღვაწეობს და დიდი თავდაჯერებულობით წარმოადგენს კოლექციებს, ეს ორი განსხვავებული ფილმი მისი მეხსიერებიდან Calvin Klein-ის 2019 წლის ზაფხულის სეზონისთვისაა განკუთვნილი.
მოდელები, რომლებიც 2018 წლის Victoria’s Secret-ის შოუში მიიღებენ მონაწილეობას
წლის ერთ-ერთი ყველაზე სასურველი შოუს კასტინგები დასრულდა და პრესტიჟულმა ქალის თეთრეულის ბრენდმა საკუთარი რჩეულები დაასახელა. Victoria’s Secret-ის ჩვენება 2018 წელს ნოემბრის დასაწყისში ჩატარდება და როგორც ყოველთვის მთელი მსოფლიოს ყურადღებას მიიპყრობს. წელს ბედი ბევრმა ახალბედამ სცადა, ხოლო ზოგიერთს პოდიუმზე უკვე მეორედ ვიხილავთ. როგორც სჩანს, ბრენდი მოდელთა რაოდენობას ყოველწელს ზრდის. ვნახოთ ვის გაუმართლა ამჯერად:
Oscar de la Renta SPRING 2019 RTW
Oscar de la Renta-ს ჩვენებამ მოხიბლა ნიუ იორკელები. ლაურა კიმი და ფერნანდო გარციას ბრენდში ორ წლიანი მოღვაწეობის შემდეგ გარკვევით ვხედავთ დიზაინერების ხედვას, კოლექციაში აისახა მათი ზაფხულის არდადაგები: მოროკო, იტალიის კომოს ტბა და ინდოეთი. Oscar de la Renta-ს ქალი 2019 წლის ზაფხულისთვის ულამაზესი ფერადი პრინტის სარონგის-ტიპის გადასადები კაბებით და აქსესუარების ფართო არჩევანით იწონებს თავს. არც ბრენდის ლეგენდარული ხელწერა დაკარგულა საღამოს კაბებში.
Savage x Fenty Spring 2019
რიანას თეთრეულის კოლექციის ჩვენება
ნიუ იორკის მოდის კვირეულზე


მომღერალმა და დიზაინერმა რიანამ Fenty -ს სახელით Savage თეთრეულის კოლექცია წარმოგვიდგინა. ნიუ იორკის მოდის კვირეულის ფარგლებში გამართული ჩვენების პოდიუმზე ვიხილეთ ჯიჯი და ბელა ჰადიდები, ჯოან სმოლსი, სლიქ ვუდსი. ჩვენებას პერფორმანსის სახე ქონდა, ტროპიკულ პოდიუმს მოდელებთან ერთად მოცეკვავეები ამშვენებდნენ. ასევე ვიხილეთ ორსული მოდელები და სხვადასხვა რასისა და ფიგურის წარმომადგენელი ქალბატონები, რაც ბრენდის უნივერსალურობას უსვამს ხაზს: კოლექცია 32A -დან 44DD -მდე ზომის ბიუსტჰალტერებს და XS -დან 3X ზომის საცვლებს მოიცავს. რთულია თავად კოლექციის ინსპირაციის 1 კონკრეტული თემის განსაზღვრაც.
Re/Done SPRING 2019 RTW
Levi’s ვინტაჟი ჯინსის გადამამუშავებით მიღებულ ახალ კოლექციას წარმოგვიდგენს ბრენდი Re/Done. 2019 წლის სეზონისთვის ჯინსით-ჯინსზე დაკომპლექტებულ ლუქებს გვთავაზობენ და შეგვახსენებენ, რომ პრაქტიკულობასთან ერთად ჯინსი სტილის მატარებელია.
"სტილი დიდ ქალაქში" - ნიუ-იორკის მოდის კვირეულის ქუჩის მოდა
ახლახანს, მსოფლიოს ერთ-ერთ მთავარ მეგაპოლისში მოდის კვირეულმა აიღო სტარტი, რომელიც ტომ ფორდმა გახსნა. რამდენიმე დღის განმავლობაში ნიუ-იორკი პლანეტის ყველაზე მოდურ ქალაქად ჩაითვლება. ქუჩის სტილი კი მომავალი სეზონის ტრენდებს უკვე აქტიურად გვკარნახობს. მანჰეტენის არეალი ნათელმა ფერებმა, ლეოპარდის პრინტმა, კუბოკრულმა კოსტიუმებმა და მასიურმა საყურეებმა მოიცვა.

"სტილი დიდ ქალაქში"
ნიუ-იორკის მოდის კვირეულის ქუჩის მოდა
როგორ გამოიყურებიან Victoria's Secret-ის კასტინგზე მიმავალი გოგონები
Victoria's Secret-ის 2018 წლის შოუსთვის აქტიური მომზადება დაიწყო. სექტემბრის თვე მოდელებისთვის ყოველთვის დატვირთულია. ნიუ-იორკის მოდის კვირეულთან ერთად, გოგონები ცნობილი ბრენდის ოფისსაც სტუმრობენ, რათა პლანეტის ქალღმერთებთან ერთად პოდიუმზე გაერთიანდნენ. Victoria's Secret-ის ოფისის შესასვლელთან პაპარაცები არიან შეკრებილნი და ყურადღების გარეშე არცერთ მოდელს ტოვებენ. წელს ქუჩის სტილში წვრილი ჯინსები, ტოპები, მინი ქვედაბოლოები და რა თქმა უნდა მაღალქუსლიანი ფეხსაცმელი გამოიკვეთა. არანაირი დიდი ზომის სამოსი - იმიჯმა ფორმა მაქსიმალურად უნდა გამოკვეთოს.
Muse Drones World Tour (2018)
MUSE DRONES WORLD TOUR
a one-night only event in cinemas worldwide on 12 July 2018


ინგლისური როკ ჯგუფი MUSE 2015 წელს გამოცემული ალბომით Drones მძიმე ჟღერადობის როკს დაუბრუნდა. ალბომმა 58-ე გრემის დაჯილდოებაზე საუკეთესო როკ ალბომის წოდება მიიღო. Drones მსოფლიო ტურნეს ფარგლებში გამართული 34 კონცერტის მსმენელი 360 გრადუსიან საკონცერტო სივრცეში ეხვეოდა, სადაც სცენა და დარბაზი დაკავშირებული იყო მფრინავი ეკრანებით, პროექტორებით და დრონებით, რაც პერფორმანსის სრულ სმენით, ვიზუალურ და სენსორულ აღქმას განაპირობებდა. ეს ამბიციური და ინოვაციური კონცერტი ფილმის სახით ჩაიწერა, რომლის კინოჩვენებაც მსოფლიოს მასშტაბით მხოლოდ 1 დღით, მხოლოდ 1 სეანსით მოეწყობა. საქართველოში MUSE-ს კავეა თბილისის კინოთეატრი უმასპინძლებს.

Drones ალბომი მოიცავს 6 სინგლს: Psycho, Dead Inside, Mercy, Revolt, Aftermath, Reapers, საკონცერტო პროგრამაში კი დაურთეს სინგლები: Madness, Uprising, Plug in Baby, Supermassive Black Hole და Knights of Cydonia.
Christian Dior-ის ახალი საოცნებო კაბები
Christian Dior
Fall 2018


კრისტიან დიორის ახალი საშემოდგომო კოლექცია საოცნებო კაბებითაა გაჯერებული. მარია გრაცია კიური ფემინურობასა და დახვეწილობას შორის ყოველ კოლექციაში საოცარ ბალანსს იჭერს. 2018 წლის საშემოდგომო კოლექციისთვის დიზაინერმა 70-იანების შთამბეჭდავ იმიჯს მიმართა და სილუეტები საოცარი სინატიფით გამოკვეთა.

ყველაზე დაუვიწყარი ტულის და აბრეშუმის კაბებია, რომლებსაც სავარაუდოდ მალე წითელ ხალიჩაზეც ვიხილავთ.
Vetements-ის ახალი შოუ ქართულ მოტივებზე
Vetements Spring 2019
Menswear


დემნა გვასალიამ გადაწყვიტა 2019 წლის გაზაფხულის მამაკაცის კოლექცია საქართველოსთვის მიეძღვნა და თბილისიდან შერჩეული 40 გოგონა და ბიჭი პარიზში წაიყვანა. შოუ ხიდის ქვეშ ჩატარდა და მასში 76 მოდელმა მიიღო მონაწილეობა. ქართული მოტივებით გაჯერებული სამოსი რუსულ გავლენასაც მოიცავს. პირველ რიგში, დემნა კვლავ არ ღალატობს ლოგომანიის ტრენდს და VETEMENTS-ის გამოსახულებას ამჯერად ქართულ ენაზე გვთავაზობს. სიტყვა "ტანსაცმელი" დატანილია მაისურებზე, წინდებსა და მოსაცმელებზე.
ბიონსემ და ჯეიზიმ ახალი კლიპი ცარიელ ლუვრში გადაიღეს
ღონისძიების "ღამე მუზეუმში"-ს შექმნელებს საკუთარი პროექტის პრეზენტაციაში უკვე ცოლ-ქმარი კარტერების ახალი კლიპის შეტანა შეუძლიათ. ამჟამად, ჯეიზი და ბიონსე მსოფლიო ტურნეში იმყოფებიან. რამდენიმე ხნის წინ, ლონდონში გამართულ კონცერტზე წყვილმა სენსაციური განცხადება გააკეთა: მათ პირველად გამოუშვეს საერთო ალბომი სახელწოდებით Everything Is Love! ახლა კი მომღერლებმა ახალი საოცარი ვიდეოკლიპით გაგვაოცეს - სიმღერა Apeshit რეჟისორი რიკი საიზის ჩანაფიქრით, პარიზის ცარიელ ლუვრის მუზეუმში გადაიღეს.

მსგავსად ისინი ერთხელ უკვე მოიქცნენ: 2014 წელს წყვილმა ლეგენდარული მუზეუმი ინდივიდუალური დათვალიერებისთვის დახურა.
კენდალ ჯენერი პოდიუმზე დაბრუნდა
VERSACE
SPRING 2019 MENSWEAR


5 თვის შემდეგ, კენდალ ჯენერი პოდიუმზე ტრიუმფალურად დაბრუნდა

თითქმის ნახევარი წელი გავიდა, რაც მსოფლიოს ყველაზე მაღალანაზღაურებადი მოდელი, კენდალ ჯენერი მოდის ჩვენებებში მონაწილეობას არ იღებდა. მიუხედავად იმისა, რომ კენდალს პოდიუმზე ვერ ვხედავდით, მას გადაღებები არ შეუწყვიტავს ბრენდების სარეკლამო კამპანიებისთვის. ჯენერის პოდიუმზე ტირუმფალური დაბრუნება ახლახანს Versace-ს მამაკაცის 2019 წლის გაზაფხული-ზაფხულის ჩვენებაზე შედგა, მილანში. შოუზე მონაწილეობა მისმა მეგობარმა ბელა ჰადიდმაც მიიღო. მამაკაცის სამოსი მათ გარდა კიდევ რამდენიმე გოგონამ: გრეის ელიზაბეტმა, სტელა მაქსველმა და იმან ჰამამმა მოირგეს.
ამალ კლუნი - უფლებადამცველი, ინფლუენსერი, სტილის აიქონი
ის ქმრის, ჯორჯ კლუნის გვარს ატარებს, თუმცა მსოფლიოს ნახევარი საზოგადოება ამჯობინებს გამოჩენილ მსახიობს უწოდოს "ამალის ქმარი". უკანასკნელი რამდენიმე წლის განმავლობაში ის ნამდვილი ფენომენი გახდა. არასდროს ყოფილა ინტელექტი ასეთი მოდური და მიმზიდველი მასისთვის, როგორიც ამალ კლუნის მეშვეობით გახდა. ის პროფესიონალია, საუკეთესოდ გრძნობს კაცობრიობის გასაჭირს და როგორც საერთაშორისო იურისტი, მათ წინააღმდეგ სამაგალითოდ იბრძვის.