მოდის სამყაროში შემოდგომა და ზამთარი ერთი სეზონის ქვეშ ერთიანდება. პარიზში და ნიუ-იორკში ტენდეციების სია წლის ორივე დროს საერთოა, მაგრამ ტემპერატურის ცვლილებასთან ერთად გარკვეულ წესებს ემორჩილება. წარმოგიდგენთ ამ ზამთრის იმ საჭირო ნივთებს, რომლებიც ერთდროულად მოდური და თბილია: არანაირი მოძველებული დოგმა, ისინი საჭირო ხასიათს გამოხატავს.

Victoria's Secret-ის მოდელები დაესწრნენ 2017 Victoria’s Secret Fashion Show ჩანაწერის ჩვენებას. მოდელებმა VS გუნდთან ერთად მოიყარეს თავი ნიუ იორკში Spring Studios-ში, 28 ნოემბერს. სტუმრებს შორის იყვნენ Victoria's Secret-ის ანგელოზები ქენდის სვეინპოლი, ადრიანა ლიმა, ლაის რიბეირო, ელზა ჰოსკი, ბელა ჰადიდი, სტელა მაქსველი, ტეილორ ჰილი და სხვა მოდელები. გოგონებმა ვარდისფერ ხალიჩაზე იპოზიორეს და ჩვენება წვეულების რეჟიმში აღნიშნეს. შანხაიდან დაბრუნების შემდეგ ეს მოდელებისთვის პირველი შეკრება იყო შტატებში. აღსანიშნია, რომ მოდელ ქენდის სვეინპოლს ქართველი დიზაინერების MACH &MACH-ის სამოსი ეცვა! ბელა ჰადიდი კი Atsuko Kudo-ის წითელი ლატექსის კაბით იწონებდა თავს. ხოლო ელზა ჰოსკი, რომელიც ბრენდის წარმომადგენელია დღის განმავლობაში რამდენიმე ინტერვიუს ჩაწერა მოუწია და 3 შესანიშნავი ლუქის აწყობა შეძლო. ამ სამივე ქალბატონის შემოსვა კი სტილის ელიზაბეტ სალქერის დამსახურებაა, სწორედ მან აარჩია ქართველი დიზაინერის სამოსიც.

ფრანგული Vogue დემნა გვასალიას შესახებ ვრცელ სტატიას აქვეყნებს. 2015 წელს ბრენდმა Vetements ახალი შემოდგომა/ზამთრის კოლექციით პარიზში ნამდვილი სენსაცია მოახდინა. დემნა გვასალიამ, მისმა ძმამ გურამ გვასალიამ და ბრენდის შემოქმედებითმა ჯგუფმა ორიგინალური ყოველდღიური სამოსი წარმოადგინეს. მას შემდეგ, დემნა ცნობილი ფრანგული ბრენდის Balenciaga -ს ხელმძღვანელი გახდა და საკუთარი ბრენდით მოდის ინდუსტრიაში განსაკუთრებული ადგილი დაიკავა. წარმოგიდგენთ მთავარ ციტატებს მისი უკანასკნელი ინტერვიუდან:

Victoria's Secret-ის 2017 კოლექციის შოუ-ჩვენება ჩინეთში, შანხაიში გაიმართა. 2 მილიონ დოლარად შეფასებული ბრილიანტის ბიუსტჰალტერის ტარების პატივი ბრაზილიელ მოდელ ლაის რიბეიროს ერგო, Victoria's Secret-ის ჩვენება ქენდის სვეინპოლმა გახსნა, ხოლო ალესანდრა ამბროსიომ დახურა. ჩვენება 6 თემაზე შექმნილ კოლექციას აერთიანებდა, პირველი სეგმენტი დიზაინერ ოლივიე რასტინგთან კოლაბორაციას წარმოადგენდა Balmain x Victoria’s Secret. ბრენდის 55-მა მოდელმა 88 თავბრუდამხვევი ლუქი წარმოადგინა, წარმოგიდგენთ ჩვენების ფოტოებს: 2017 Victorias Secret Fashion Show Runway .

დასრულდა Victoria's Secret 2017 წლის კოლექციის შოუ-ჩვენება, რომელსაც ამჯერად შანხაის მერსედეს-ბენც არენამ უმასპინძლა. წარმოგიდგენთ კულისებს მიღმა ფოტოებს და კულუარულ ინფორმაციებს, ჩვენების მიმოხილვას კი მოგვიანებით ვიხილავთ. შოუს ოფიციალური ჩანაწერი 28 ნოემბერს გავა CBS-ის ეთერში. ჩინეთი მრავალი ხარვეზით და დაბრკოლებით დახვდა Victoria’s Secret-ის ჩვენებას: 6 მოდელს, მომღერალ კეიტი პერის, მოწვეული სტუმრებისა და პრესის ნაწილს ქვეყანამ ვიზა არ მისცა, after party წვეულება კი პოლიციამ ნაადრევად დაშალა.

Victoria's Secret ჩვენება ქენდის სვეინპოლმა გახსნა, 29 წლის მოდელი ბავშვის გაჩენის შემდეგ დაუბრუნდა VS პოდიუმს, ასევე აღსანიშნია, რომ Fantasy Bra-ს მფლობელი, წლის ჩვენების მთავარი მოდელი 27 წლის ლაის რიბეიროც დედაა. ბრაზილიელმა გოგონამ 18 წლის ასაკში, სწორედ შვილის გაჩენის შემდეგ გადაწყვიტა მოდელობის დაწყება. Victoria's Secret 2017 წლის ჩვენება ალესანდრა ამბროსიომ დახურა და დაასრულა ბრენდთან 17 წლიანი თანამშრომლობა. წლევანდელ ჩვენებაზე გამოირჩეოდნენ ბრენდის მოდელები: ტეილორ ჰილი, ელზა ჰოსკი და ჯოზეფინ სკრივერი.

მსოფლიო მოდის ინდუსტრია ქართულ მოდას ბოლო რამდენიმე წლის განმავლობაში განსაკუთრებულ ყურადღებას აქცევს და აკვირდება. თბილისის Mercedes Benz Fashion Week-ზე წარმოდგენილმა კოლექციებმა ქართველი დიზაინერების დახვეწილი ხედვა ნამდვილად დაადასტურა. დემნა გვასალიას მიერ მოპოვებული წარმატების შემდეგ, თბილისი ნელ-ნელა მსოფლიოს მოდის ქალაქების სტატუსს უახლოვდება.

საერთაშორისო ონლაინ პორტალი Highsnobiety აქვეყნებს Julien Boudet-ს მიერ საქართველოში გადაღებულ ედითორიალს და წერს, რომ საქართველოს გვასალიას გარდა, სხვა მრავალი დიზაინერიც გამოარჩევს. ფოტოსესიაში, რომელიც პოსტ-საბჭოთა სტილს კარგად ასახავს მოდელები ქეთი ლომაძე და მარიშა ურუშაძე რამდენიმე ქართველი დიზაინერის სამოსს წარმოადგენენ: Mach & Mach, Bessarion, Salome, და Aleksandre Akhalkatsishvili, სწორედ ისინი ადასტურებენ, რომ საქართველოს მხოლოდ დემნა გვასალია არ ასახელებს.

საშემოდგომო მოდის კვირეულების შემდეგ, მოდის კრიტიკოსები იმ ტრენდების ჩამონათვალს ადგენენ, რომლებიც დიზაინერების შემოთავაზების მიხედვით, მომავალ გაზაფხული-ზაფხულის სეზონზე მოდური და მოთხოვნადი იქნება. სეზონიდან სეზონამდე გარდერობის განახლება ისეა საჭირო, რომ ისინი მიმდინარე ტენდეციებს პასუხობდეს. წარმოგიდგენთ იმ სამოსს, რომელიც აქტუალობას იძენს და იმას, რომელსაც ყველაზე თამამები მოირგებენ.

საერთაშორისო შვედური ბრენდი H&M (Hennes & Mauritz AB) ცნობილია თავისი ბიზნესიდეით – ტრენდული სამოსი და ხარისხი საუკეთესო ფასად, მოდის მდგრადი განვითარებისათვის – H&M საქართველოში პირველ მაღაზიას 2017 წლის 18 ნოემბერს, 12:00 საათზე გახსნის. მაღაზიის გახსნის წინა წვეულება კი 16 ნოემბერს შედგა, რომელსაც პრესის წარმომადგენლები და მიწვეული სტუმრები დაესწრნენ. თბილისის შუაგულში, რუსთაველის გამზირის N2/4-ში მდებარე „გალერია თბილისში“, ყველასთვის საყვარელი ბრენდი სამ სართულსა და 3000 კვადრატულ მეტრზე განთავსდება.

18 ნოემბერს, "ეიჩ ენდ ემი" მაღაზიის გახსნის აღსანიშნავად გახსნის წინა წუთების ათვლას ყველასთვის საყვარელ ქართველ დიჯეისთან ერთად დაიწყებს, რაც შოპინგის პროცესს კიდევ უფრო გაახალისებს და გაამრავალფეროვნებს. ყველა სტუმარს შეეძლება, რომ ისარგებლოს 20%-იანი ფასდაკლებით სრულ კოლექციაზე. ისინი კი, ვინც რიგის პირველ, მეორე და მესამე ადგილს დაიკავებენ, განსაკუთრებულად დაჯილდოვდებიან და, შესაბამისად, 200, 100 და 50-ლარიან სასაჩუქრე ბარათებს მიიღებენ. მომდევნო 1000 სტუმარს 30-ლარიანი სასაჩუქრე ბარათი გადაეცემა!

ლალო დოლიძემ მერსედეს ბენცის მოდის კვირეულზე მორიგი კოლექცია წარმოადგინა. LALO სწრაფი ტემპით განაგრძობს womenswear კოლექციის განვითარებას. ბრენდის ისტორია გრადაციული ნაქსოვი კარდიგანებით იწყება, დღეს კი მათი წარმოება სამოსსა და აქსესუარების ფართო სპექტრს მოიცავს.

პოდიუმზე კვლავ ვიხილეთ მათი სახელოვანი ნაქსოვი სამოსის მრავალფეროვან ვარიაციებში, ფრიალა რუშებიან კაბებთან, თვლებით მოჭედილ ბერეტებთან და ბეწვიან ქამრებთამ კომბინაციაში. აღსანიშნია, რომ კოლექციას შესანიშნავი სთაილინგი ქონდა გაწეული. დიზაინერმა ასევე წარმოგვიდგინა საკუთარი ფეხსაცმელი და ჩანთები, და ამავდროულად ითანამშრომლა ნინა ზარქუასთან და o711-თან. ერთი სიტყვით, ამ სეზონისთვის ეს უდავოდ თბილისელი გოგონების ფავორიტი კოლექციაა!

ოლეგ ტიმჩენკომ ახალი გამოფენით "სიყვარულის ტერიტორია" სადარბაზოს მოხატვის ტრადიცია არატრადიციული და პროვოკაციული სტილში გააცოცხლა. ქართველი ხელოვანი მუდამ გამოირჩეოდა ხმაურიანი და შთამბეჭდავი პერფორმანსებით. მასშტაბური ზომის ეროტიკული სერიის ტილოებისთვის საგამოფენო სივრცედ ჭონქაძის ქუჩაზე არსებული ერთერთი სადარბაზო იქცა, შემდგომ კი ექსპონატებმა გალერეა "გამრეკელი"-ში გადაინაცვლეს.

სუსხიანი სეზონი მოდის მოყვარულთათვის ნამდვილი გამოწვევაა, ამდენი ახალი ნივთი დიზაინერებისგან და სტაილინგის უსაზღვრო შესაძლებლობა : წინდები და ფეხსაცმელი, შარვალი და მოსახური, პერანგები და თბილი ჯემპერები : რამდენი ფენა შესაძლებლობაა ააწყო და მოირგო უნიკალური outfit. გთავაზობთ VOGUE-ს დაკვირვებით ამ სეზონის პოდიუმებზე ნანახ ყველაზე გამოკვეთილ ტრენდებს შემოდგომა-ზამთრის სეზონისთვის

1934 წელს გამოცემული, ინგლისელი მწერლის აგათა კრისტის დეტექტიური რომანის „მკვლელობა აღმოსავლეთის ექსპრესში“ უახლესი ეკრანიზაცია რეჟისორ კენეტ ბრანს ეკუთვნის. ფილმის პრემიერა სულ ახლახანს 2017 წლის ნოემბერში შედგა, მათ შორის საქართველოშიც. ფილმი საუკეთესო სამსახიობო დასს აერთიანებს: ჯონი დეპი, დეიზი რიდლი, მიშელ პფაიფერი, ჯუდი დენჩი, პენელოპა კრუზი, უილემ დეფო და თავად რეჟისორი კენეტ ბრანი მთავარ როლში!

მოქმედება 30-იან წლებში აღმოსავლეთის ექსპრეს-მატარებელში ვითარდება, მაყურებელი გამომძიებელ ერკიულ პუაროსთან ერთად არკვევს, თუ ვინ ჩაიდინა დანაშაული პირველი კლასის ვაგონიდან. ფილმის პრემიერას წიგნის ახალი გამოცემის წარდგენაც მოყვა.

ნოემბრის თვეში თბილისმა მოდის კვირეულის მორიგ სეზონს უმასპინძლა. MERCEDES BENZ-ის თბილისის მოდის კვირეულის ჩვენებები რუსთაველის თეატრის სცენაზე გაიმართა. დატვირთული კვირა აქტიურად გაშუქდა მსოფლიო პრესაში წარმოდგენილი დიზაინერების ჩვენებების, ასევე დამსწრე სტუმრების გამორჩეული სტილის გამო. ჩვენც წარმოგიდგენთ MERCEDES BENZ თბილისის მოდის კვირეულზე დამსწრე სტუმრების ჩაცმულობას.

თბილისის მოდის კვირეულმა და თბილისის Mercedes Benz Fashion Week-მა წარმატებით ჩაიარა. ქართველმა დიზაინერებმა საზოგადოებას საკუთარი ახალი კოლექციები წარუდგინეს, რომლებიც მომავალი გაზაფხული-ზაფხულის ჰიტი უნდა გახდეს. აღსანიშნავია, რომ თითოეული მათგანი საოცარი ინდივიდუალურობითა და კრეატიულობით გამოირჩეოდა, თუმცა მათ რამდენიმე საერთო ტრენდი მაინც აკავშირებდათ. გამოვარჩევთ მომავალი სეზონის 5 მოდურ ტრენდს ქართველი დიზაინერების კოლექციებიდან

Shotie Blackmore ქართველი ფოტოგრაფი და ფილმ-მეიქერია, რომელიც როგორც თავის თავს ახასიათებს Lifestyle photographer-ია, მის არქივში მრავალი ლამაზმანის ფოტოები ინახება და საუკეთესო კადრებს აქტიურად გვიზიარებს მის ინსტაგრამზე.

ფოტოგრაფი თანამშრომლობს მოდელებთან და ბრენდებთან, ასევე მუშაობს პერსონალურ დაკვეთებზე. შოთი ძირითადად ბუდუარის სტილში იღებს, მის მიერ დაფიქსირებული ინტიმური და სექსუალური კადრები არ ცდება ვულგარულობის ზღვარს, რაც გამოარჩევს ხელოვანს.