Chanel PRE-FALL 2018
რამდენიმე დღის წინ CHANEL-მა 2018 წლის შემოდგომა-ზამთრის კოლექცია წარადგინა. ყველაზე ცნობილი პარიზული ბრენდის ჩვენება, დიზაინერმა კარლ ლაგერფელდმა მისთვის მშობლიურ გერმანიაში, ქალაქ ჰამბურგში გამართა. დიზაინერი ამბობს, რომ მას არასდროს დაუტოვებია მშობლიური მხარე, ის ყოველთვის იყო მისი ნაწილი და გარკვეულ დონეზე მოსწონს კიდეც. კოლექციის ინსპირაციაც სწორედ მდინარე ელბეს სანაპიროდან იღებს სათავეს : მეთევზეების ქუდები და მათთვის დამახასიათებელი ფართო ტოტებიანი შარვლები თბილ ნაქსოვ სვიტერებთან კომბინაციით.
აქსესუარების ხელოვნება
ყველაფერი დეტალებშია!
უფრო კონკრეტულად კი მოდური ლუქის მთავარ აქცენტად აქსესუარებს მოვიაზრებთ. შინაგანი სამყაროს, ინტერესებისა და ხასიათის გამომხატველი ელემენტები აქსესუარებშია, რომლებიც მოდური ლუქის მრავალფეროვნების გარანტიაა. აქსესუარების ხელოვნების შესახებ რჩევებს Harper's Bazaar გვაძლევს. ქალბატონებისთვის მოდური რჩევები არასდროს არის ზედმეტი. გავიგოთ როგორ უნდა ვაქციოთ აქსესუარი ლუქის საუკეთესო ელემენტად.
დედოფალი ელისაბედის უცნაური ქუდები
რეტროსპექტივა ცისარტყელას თემაზე - 1952 წლიდან მოყოლებული, როდესაც დედოფალმა ელისაბედმა პირველად დაიკავა ტახტი, რევოლუცია რამდენიმე საკითხში მოახდინა, ესენია: ქალის როლი ძალაუფლებაში, მონარქიის მოდერნიზება, ოჯახისა და სამსახურის დაბალანსება და ყველაზე უცნაური ქუდების ტარება საჯარო სივრცეში.
Balenciaga საბავშვო კოლექცია
Balenciaga-მ საბავშვო ტანისამოსის ხაზი გამოუშვა, რომელიც გაყიდვაში 13 დეკემბრიდან ჩაეშვება. კოლექციაში წარმოდგენილია დიდი ზომის მაისურები, საწვიმრები, სპორტული შარვლები, რომლებზეც ბრენდის ლოგოპითან ერთად სლოგანებია დატანილი: The Power of Dreams და Think Big. ამასთან, Balenciaga-მ თავისი სპორტული ფეხსაცმლის Speed Trainer-ის საბავშვო ვერსიაც გამოუშვა.
სტელა მაქსველი გამორჩეული "ანგელოზი"
სტელა მაქსველს გამორჩეული წელი ჰქონდა: შანხაიში Victoria’s Secret-ის შოუზე პოდიუმი დაიპყრო, ისეთი ბრენდების ჩვენებებზე მოგვხიბლა, როგორებიცაა: Fenty x Puma, Chanel, Moschino და Fendi, დაესწრო Vanity Fair Oscar party-ს და უამრავი ჟურნალის გარეკანი მოიცვა. ამომავალი ვარსკვლავი წლევანდელ წელს საკუთარი პროგრესის მორიგ ეტაპად მიიჩნევს: „ვგრძნობ თუ რამდენად გავიზარდე. ცხოვრება ახალ გამოწვევებსა და გამოცდილებას მუდმივად გვთავაზობს. არ ვარ დარწმუნებული, რომ განსაკუთრებული ცვლილება განვიცადე, მაგრამ ვფიქრობ, ნებისმიერ კარიერაში რაც უფრო დიდხანს აკეთებ რაღაცას, მით უფრო კომფორტული ხდება ეს სფერო შენთვის“-აცხადებს მაქსველი.
წლის მაღალანაზღაურებადი მოდელები
უკანასკნელი 15 წლის განმავლობაში ზედიზედ, ჟიზელ ბიუნდჰენი წლის ყველაზე მაღალანაზღაურებად მოდელად სახელდებოდა. 2002 წლის შემდეგ პირველად, მას ეს ტიტული კენდალ ჯენერმა ჩამოართვა. წელს დებმა ჰადიდებმა რეკორდი დაამყარეს: ბელა და ჯიჯი პირველი დები არიან, რომლებიც 2017 წლის გამოცემის ტოპ ათეულში ერთად მოხვდნენ.
პოპულარული მოდელები Instagram-ზე
Instagram-ზე გამომწერთა რიცხვი მოდელებისთვის წარმატების ერთ-ერთი მთავარი ფაქტორი გახდა. რაც უფრო დიდი აუდიტორია გყავს, მით უფრო მეტ კონტრაქტს გთავაზობენ და მით უფრო ღირებულს. ახლახან Instagram-ზე 2017 წლის ყველაზე პოპულარული მოდელები გამოვლინდა.
Must Have: ზამთრის 10 მოდური ნივთი
მოდის სამყაროში შემოდგომა და ზამთარი ერთი სეზონის ქვეშ ერთიანდება. პარიზში და ნიუ-იორკში ტენდეციების სია წლის ორივე დროს საერთოა, მაგრამ ტემპერატურის ცვლილებასთან ერთად გარკვეულ წესებს ემორჩილება. წარმოგიდგენთ ამ ზამთრის იმ საჭირო ნივთებს, რომლებიც ერთდროულად მოდური და თბილია: არანაირი მოძველებული დოგმა, ისინი საჭირო ხასიათს გამოხატავს.
2017 Victoria’s Secret Show viewing party
Victoria's Secret-ის მოდელები დაესწრნენ 2017 Victoria’s Secret Fashion Show ჩანაწერის ჩვენებას. მოდელებმა VS გუნდთან ერთად მოიყარეს თავი ნიუ იორკში Spring Studios-ში, 28 ნოემბერს. სტუმრებს შორის იყვნენ Victoria's Secret-ის ანგელოზები ქენდის სვეინპოლი, ადრიანა ლიმა, ლაის რიბეირო, ელზა ჰოსკი, ბელა ჰადიდი, სტელა მაქსველი, ტეილორ ჰილი და სხვა მოდელები. გოგონებმა ვარდისფერ ხალიჩაზე იპოზიორეს და ჩვენება წვეულების რეჟიმში აღნიშნეს. შანხაიდან დაბრუნების შემდეგ ეს მოდელებისთვის პირველი შეკრება იყო შტატებში. აღსანიშნია, რომ მოდელ ქენდის სვეინპოლს ქართველი დიზაინერების MACH &MACH-ის სამოსი ეცვა! ბელა ჰადიდი კი Atsuko Kudo-ის წითელი ლატექსის კაბით იწონებდა თავს. ხოლო ელზა ჰოსკი, რომელიც ბრენდის წარმომადგენელია დღის განმავლობაში რამდენიმე ინტერვიუს ჩაწერა მოუწია და 3 შესანიშნავი ლუქის აწყობა შეძლო. ამ სამივე ქალბატონის შემოსვა კი სტილის ელიზაბეტ სალქერის დამსახურებაა, სწორედ მან აარჩია ქართველი დიზაინერის სამოსიც.
დემნა გვასალია და მისი ბრენდები
ფრანგული Vogue დემნა გვასალიას შესახებ ვრცელ სტატიას აქვეყნებს. 2015 წელს ბრენდმა Vetements ახალი შემოდგომა/ზამთრის კოლექციით პარიზში ნამდვილი სენსაცია მოახდინა. დემნა გვასალიამ, მისმა ძმამ გურამ გვასალიამ და ბრენდის შემოქმედებითმა ჯგუფმა ორიგინალური ყოველდღიური სამოსი წარმოადგინეს. მას შემდეგ, დემნა ცნობილი ფრანგული ბრენდის Balenciaga -ს ხელმძღვანელი გახდა და საკუთარი ბრენდით მოდის ინდუსტრიაში განსაკუთრებული ადგილი დაიკავა. წარმოგიდგენთ მთავარ ციტატებს მისი უკანასკნელი ინტერვიუდან:
VICTORIA’S SECRET SHOW 2017
Victoria's Secret-ის 2017 კოლექციის შოუ-ჩვენება ჩინეთში, შანხაიში გაიმართა. 2 მილიონ დოლარად შეფასებული ბრილიანტის ბიუსტჰალტერის ტარების პატივი ბრაზილიელ მოდელ ლაის რიბეიროს ერგო, Victoria's Secret-ის ჩვენება ქენდის სვეინპოლმა გახსნა, ხოლო ალესანდრა ამბროსიომ დახურა. ჩვენება 6 თემაზე შექმნილ კოლექციას აერთიანებდა, პირველი სეგმენტი დიზაინერ ოლივიე რასტინგთან კოლაბორაციას წარმოადგენდა Balmain x Victoria’s Secret. ბრენდის 55-მა მოდელმა 88 თავბრუდამხვევი ლუქი წარმოადგინა, წარმოგიდგენთ ჩვენების ფოტოებს: 2017 Victorias Secret Fashion Show Runway .
Victoria’s Secret Backstage in Shanghai
დასრულდა Victoria's Secret 2017 წლის კოლექციის შოუ-ჩვენება, რომელსაც ამჯერად შანხაის მერსედეს-ბენც არენამ უმასპინძლა. წარმოგიდგენთ კულისებს მიღმა ფოტოებს და კულუარულ ინფორმაციებს, ჩვენების მიმოხილვას კი მოგვიანებით ვიხილავთ. შოუს ოფიციალური ჩანაწერი 28 ნოემბერს გავა CBS-ის ეთერში. ჩინეთი მრავალი ხარვეზით და დაბრკოლებით დახვდა Victoria’s Secret-ის ჩვენებას: 6 მოდელს, მომღერალ კეიტი პერის, მოწვეული სტუმრებისა და პრესის ნაწილს ქვეყანამ ვიზა არ მისცა, after party წვეულება კი პოლიციამ ნაადრევად დაშალა.

Victoria's Secret ჩვენება ქენდის სვეინპოლმა გახსნა, 29 წლის მოდელი ბავშვის გაჩენის შემდეგ დაუბრუნდა VS პოდიუმს, ასევე აღსანიშნია, რომ Fantasy Bra-ს მფლობელი, წლის ჩვენების მთავარი მოდელი 27 წლის ლაის რიბეიროც დედაა. ბრაზილიელმა გოგონამ 18 წლის ასაკში, სწორედ შვილის გაჩენის შემდეგ გადაწყვიტა მოდელობის დაწყება. Victoria's Secret 2017 წლის ჩვენება ალესანდრა ამბროსიომ დახურა და დაასრულა ბრენდთან 17 წლიანი თანამშრომლობა. წლევანდელ ჩვენებაზე გამოირჩეოდნენ ბრენდის მოდელები: ტეილორ ჰილი, ელზა ჰოსკი და ჯოზეფინ სკრივერი.
ქართველი დიზაინერების Editorial
მსოფლიო მოდის ინდუსტრია ქართულ მოდას ბოლო რამდენიმე წლის განმავლობაში განსაკუთრებულ ყურადღებას აქცევს და აკვირდება. თბილისის Mercedes Benz Fashion Week-ზე წარმოდგენილმა კოლექციებმა ქართველი დიზაინერების დახვეწილი ხედვა ნამდვილად დაადასტურა. დემნა გვასალიას მიერ მოპოვებული წარმატების შემდეგ, თბილისი ნელ-ნელა მსოფლიოს მოდის ქალაქების სტატუსს უახლოვდება.

საერთაშორისო ონლაინ პორტალი Highsnobiety აქვეყნებს Julien Boudet-ს მიერ საქართველოში გადაღებულ ედითორიალს და წერს, რომ საქართველოს გვასალიას გარდა, სხვა მრავალი დიზაინერიც გამოარჩევს. ფოტოსესიაში, რომელიც პოსტ-საბჭოთა სტილს კარგად ასახავს მოდელები ქეთი ლომაძე და მარიშა ურუშაძე რამდენიმე ქართველი დიზაინერის სამოსს წარმოადგენენ: Mach & Mach, Bessarion, Salome, და Aleksandre Akhalkatsishvili, სწორედ ისინი ადასტურებენ, რომ საქართველოს მხოლოდ დემნა გვასალია არ ასახელებს.
გაზაფხული-ზაფხულის ტრენდები
საშემოდგომო მოდის კვირეულების შემდეგ, მოდის კრიტიკოსები იმ ტრენდების ჩამონათვალს ადგენენ, რომლებიც დიზაინერების შემოთავაზების მიხედვით, მომავალ გაზაფხული-ზაფხულის სეზონზე მოდური და მოთხოვნადი იქნება. სეზონიდან სეზონამდე გარდერობის განახლება ისეა საჭირო, რომ ისინი მიმდინარე ტენდეციებს პასუხობდეს. წარმოგიდგენთ იმ სამოსს, რომელიც აქტუალობას იძენს და იმას, რომელსაც ყველაზე თამამები მოირგებენ.
HM საქართველოშია!
საერთაშორისო შვედური ბრენდი H&M (Hennes & Mauritz AB) ცნობილია თავისი ბიზნესიდეით – ტრენდული სამოსი და ხარისხი საუკეთესო ფასად, მოდის მდგრადი განვითარებისათვის – H&M საქართველოში პირველ მაღაზიას 2017 წლის 18 ნოემბერს, 12:00 საათზე გახსნის. მაღაზიის გახსნის წინა წვეულება კი 16 ნოემბერს შედგა, რომელსაც პრესის წარმომადგენლები და მიწვეული სტუმრები დაესწრნენ. თბილისის შუაგულში, რუსთაველის გამზირის N2/4-ში მდებარე „გალერია თბილისში“, ყველასთვის საყვარელი ბრენდი სამ სართულსა და 3000 კვადრატულ მეტრზე განთავსდება.

18 ნოემბერს, "ეიჩ ენდ ემი" მაღაზიის გახსნის აღსანიშნავად გახსნის წინა წუთების ათვლას ყველასთვის საყვარელ ქართველ დიჯეისთან ერთად დაიწყებს, რაც შოპინგის პროცესს კიდევ უფრო გაახალისებს და გაამრავალფეროვნებს. ყველა სტუმარს შეეძლება, რომ ისარგებლოს 20%-იანი ფასდაკლებით სრულ კოლექციაზე. ისინი კი, ვინც რიგის პირველ, მეორე და მესამე ადგილს დაიკავებენ, განსაკუთრებულად დაჯილდოვდებიან და, შესაბამისად, 200, 100 და 50-ლარიან სასაჩუქრე ბარათებს მიიღებენ. მომდევნო 1000 სტუმარს 30-ლარიანი სასაჩუქრე ბარათი გადაეცემა!