NAIL trend: ფერადი ფრჩხილები
პოდიუმზე, თუ ინსტაგრამზე ცნობილი მოდის მიმდევარ გოგონებზე შენიშნავდით ერთ ტრენდს, რომელიც თითქოსდა დაუსრულებელ - საცდელ ვერსიას გავს, ჩამოყალიბდე რა ფერის ფრჩხილის ლაქი აირჩიო. თუმცა არჩევანის გაკეთებას არც არავინ გვთხოვს! როგორ გადავანაწილოთ ფერები? ფრენჩი, ხაზები თუ სრული დაფარვა? ამ ტრენდს არანაირი ინსტრუქცია არ მოყვება და არ ექვემდებარება არანაირ კანონზომიერებას. შესრულების ტექნიკა მხოლოდ განწყობაზეა დამოკიდებული და ხელმისაწვდომი ლაქების პალიტრით შემოიფარგლება.
Nike X AMBUSH
მრავალხნიანი ლოდინის შემდეგ, Nike X AMBUSH -ის კოლაბორაცია პუბლიკამ პარიზ, ტოკიოსა და შანხაიში გამართულ პრეზენტაციებზე იხილა. ახალი The Air Max 180 ბოტასები 2019 წლის მოდელია, ის ნაიკის Air Zoom Flight-ის “The Glove” სერიითაა შთაგონებული. ბეწვის ქურთუკები, კომბინიზონები, Dry-Fit ტექნოლოგიის ლეგინსები, ფლისით დათბუნებული და მანათობელი ნიშნებით დატვირთული სპორტულები შეხამებულია ოქროს სამკაულებთან, რომელიც ცნობილი იაპონელი სტილის აიკონ Yoon-ის ხელწერაა და მის დიზაინს წარმოადგენს AMBUSH -ის სახელით. Nike X AMBUSH დაანონსებულ თანამშრომლობას მოდის სამყარო წელიწადზე მეტია რაც ელის, სრული კოლექცია უკვე შეგვიძლია ვიხილოთ, გაყიდვაში კი ზაფხულიდან ჩაეშვება.
Dior Men’s Futuristic Pre-Fall 2019 Show
Dior -მა ტოკიოში გრანდიოზული ულტრა-თანამედროვე ჩვენება გამართა, შემოდგომა-ზამთარი 2019 წლის მამაკაცისთვის განკუთვნილი კოლექცია დიზაინერ კიმ ჯოუნსს ეკუთვნის, Dior -ს კოლექციისთვის მან ცნობილ იაპონელ არტისტებთან: სამკაულის დიზაინერ AMBUSH და სკულპტორ Hajime Sorayama-თან ითანამშრომლა, რომლის 12 მეტრიანი იდეალური პარამეტრების რობო-ქალის ქმნილება პოდიუმის ცენტრს წარმოადგენდა და ერწყმოდა კოლექციას დინოზავრებით, Dior-ის მონოგრამის პატერნ და ალუბლის ყვავილობის მოტივებზე.

Dior Men Pre-Fall 2019 show
კოლექცია დატვირთულია მეტალის მატერიებით, ბიომექანიკა და მცირე-რობოტიკის ტექნიკით შექმნილი ნივთებით და მოიცავს გამოყენებით-აქსესუარებს: კოსტუმის ანსამბლს სპორტული safe-ბალთა კრავს, ზურგჩანთებსა და ფეხსაცმელს რკინის თასმები ამშვენებს და ეხამება კლასიკურ პიჯაკებსა და ატლასის პრიალა შარვლებს, გრძელი პალტოები და სპორტული ქურთუკები შავ, აყვავებული თუ ფუტურისტულ-ცხოველურ პრინტშია გადაწყვეტილი, შორტები და კარგო-შარვლები კი მრავალი ფუნქციური ჯიბეებით მოხიბლავს მოდის მიმდევარ პრაქტიკოსებს.
7 საიდუმლო ფრანგი გოგონებისგან
სილამაზის 7 საიდუმლო ახალი თაობის ფრანგი გოგონებისგან: არანაირი დიეტა, პარფიუმერული ხრიკები და სხვა სილამაზის გაკვეთილები ახალგაზრდა ლამაზმანებისგან.

"რაც უფრო ნაკლები მით უკეთესი" ფრანგი მანდილოსნების საყვარელი გამონათქვამია მაშინაც კი, თუ საღამოს წვეულებისთვის ემზადებიან. მათ იციან, რომ არ არსებობს "სწორი" და "არასწორი" სილამაზე. მნიშვნელოვანია თავს როგორ გრძნობ და არა ის, თუ როგორი ეჩვენები გარშემომყოფებს. თუმცა, ბუნებრივი იმიჯიც დიდ ძალისხმევას მოითხოვს. პროფესიონალური კოსმეტიკური პროცედურები ნებისმიერი პარიზელი გოგონას აუცილებელი წინაპირობაა. ლეტიცია კასტას მსგავსად, საფრანგეთის მოსახლეობის უმეტესობამ კოსმეტიკის ყიდვა აფთიაქში დაიწყო. კანის ჯანმრთელობას უდიდეს ყურადღებას აქცევენ და როცა სახე კარგ მდგომარეობაშია, დეკორატიული კოსმეტიკა მინიმალური რაოდენობითაც საკმარისია.
VERSACE ახალი კოლექცია დონატელას შემოქმედებას მიეძღვნა
ვერსაჩე ნიუ იორკში
დონატელას კოლექცია, მიძღვნილი საკუთარი შემოქმედებისადმი

Pre-Fall 2019 - არქივებიდან

მოდის სამყარო კოსმოპოლიტიზმისკენ მიისწრაფის, იტალიურმა მოდის სახლმა ნიუ იორკში ამერიკულ საფონდო ბირჟაზე გაშალა პოდიუმი, რომელიც "თავისუფლების ქალბატონის" დონეზე იდგა. Pre-Fall 2019 კოლექციისთვის დონატელამ გააცოცხლა ვერსაჩეს აიკონური ნივთები და მეტი ექსტრავაგანტულობით წარმოადგინა მისი პირადი დიზაინით შექმნილი კოლექციიდან გამორჩეული ლუქები.
ამადინა - თექის ყვავილები და სუკულენტები
ამადინა თათა ღვედაშვილის პროექტია, რომელიც თექის აქსესუარებს, დეკორს და მინანქრის სამკაულებს აწარმოებს. თათას გატაცებამ ჰერბარიუმებისადმი და თექის ტექნიკის ფლობამ საოცარი მიქსი წარმოადგინა, ჩვენი ყურადღება ამადინას თექის ხელნაკეთმა სუკულენტების საახალწლო ნაძვის ხეებმა, საშემოდგომო გვირგვინებმა და ბროშებმა მიიპყრო.
მოდურად შემოსილი ქალბატონები შემოდგომის პარიზში
თვალი გადავავლოთ თუ როგორ იმოსებიან ქალბატონები შემოდგომის პარიზში.
AUTUMN STREET STYLE LOOKS FROM PARIS

ფრანგებს რა თქმა უნდა გამოარჩევთ პატრიოტიზმი საკუთარი ბრენდების მიმართ, შენიშნავთ, რომ მათ ყველაზე ხშირად მოსავთ Chanel, Celine, LV, Saint Laurent, Chloe, Dior, Lanvin, ცოტა ხნის წინ შეიყვარეს Jacquemus, The Kooples, Zadig & Voltaire, Maje, Sandro, და ცნობილი ინფლუენსერების პირადი ბრენდი: Musier Paris, Rouje... მისდევენ მოდას, რომელსაც ძალდაუტანებლად მარტივად და გლამურულად ირგებენ, რაც მთავარია არ აბიჯებენ კომფორტის ზონიდან და ინარჩუნებენ სტილს, რომელიც საუკეთესოდ აქსესუარების სახით გადმოიცემა.
ფეხსაცმელები და ჩანთები 2019 SS კოლექციებიდან
წარმატებით დასრულდა მოდის კვირეულები, 2019 წლის ზაფხულის სეზონისთვის ნაჩვენები კოლექციებიდან ტრენდსპოტერებმა და ბაიერებმა მრავალი აქსესუარი გამოყვეს და წინსწრებით შეუკვეთეს. წარმოგიდგენთ ყველაზე გამორჩეულ ფეხსაცმელებსა და ჩანთებს, რომლებმაც ჩვენი ყურადღებაც მიიპყრო და ველით მათ გამოჩენას პოდიუმიდან ქუჩებში გაზაფხული-ზაფხულის სეზონისთვის.
K-beauty: 10 ნაბიჯი იდეალური კანისთვის
წარმოგიდგენთ კორეელი ქალბატონების ყველაზე მნიშვნელოვან სილამაზის ხერხებს, რომლებიც თქვენს კანს გააჯანსაღებს და იდეალურს გახდის

K-beauty-ის ფენომენის შესახებ ბევრს სმენია, მაგრამ ცოტამ თუ იცის რეალურად რისგან შედგება კორეის სილამაზის ბაზარი. ეჭვგარეშეა, რომ კორეელებმა უამრავი სილამაზის საიდუმლო იციან, თუმცა მათი მთავარი იარაღი კანის ფანტასტიკური მოვლაა.
Victoria's Secret after party 2018
Victoria's Secret-ის გრანდიოზული ჩვენების წარმატებულად დასრულების შემდგომ, მოდელებმა პოდიუმიდან ვარდისფერ ხალიჩაზე გადაინაცვლეს და after party გამართეს. წვეულებაზე მათ თან შეყვარებულები და მეუღლეები ახლდათ, გოგონებმა ანგელოზის ფრთები კულისებს მიღმა დატოვეს და ცნობილი დიზაინერების საღამოს გლამურული კაბები მოირგეს.
MB Tbilisi FW სტუმრების ჩაცმულობა SS19
MERCEDES-BENZ TBILISI FASHION WEEK 1-5 ნოემბრის ჩათვლით ჩატარდა თბილისში. მრავალმა სტუმარმა, ჟურნალისტმა, უცხოელმა მოწვეულმა ბლოგერებმა და ბაიერებმა მოიყარეს თავი ქართველი დიზაინერების 2019 წლის გაზაფხული-ზაფხული კოლექციების გასაცნობად. ჩვენებებისთვის და შოურუმისთვის მთავარ ლოკაციად თანამედროვე ხელოვნების მუზეუმის სივრცე შეირჩა რუსთაველის გამზირზე, ასევე ჩვენებებს საქართვველოს ბანკის HQ, მე-6 ექსპერიმენტული სკოლა, SILK FACTORY, კლუბი ბასიანი, მწერალთა სახლი, სასტუმრო რუმსი და "სტამბა"-ს კაფემ უმასპინძლა.

STREET STYLE
ჩვენებებს 5 დღის განმავლობაში უამრავი სტუმარი ესწრებოდა, გამორჩეული ლუქები გიორგი ახალკაციშვილმა აღბეჭდა მის ობიექტივში, სპეციალურად EDITORIAL.GE-სთვის.
ყველა ლუქი 2018 წლის Victoria’s Secret-ის შოუდან
The Victoria’s Secret-ის შოუმ ნიუ-იორკში წარმატებით ჩაიარა. ბრენდის გამორჩეული მოდელები ადრიანა ლიმადან დაწყებული, ჰადიდებითა და კენდალ ჯენერით დასრულებული, ადგილზე იყვნენ! ამ წელს სვაროსვკის კრისტალებით გაფორმებული Fantasy Bra შვედმა მოდელმა, ელსა ჰოსკმა მოირგო.

ანგელოზის ფრთების და ბრენდის თეთრეულის გარდა, შოუს VS Pink-ის სექციასაც მოიცავდა და Mary Katrantzou-ს კოლექციასაც. მუსიკალური შემსრულებლებიდან, პოდიუმი შონ მენდესმა, ჰელსიმ და რიტა ორამ დაიპყრეს. ჩვენება ტელევიზიით 2 დეკემბერს გადაიცემა, მანამდე კი გთავაზობთ ფოტოებს.
როგორ გამოვიყურებოდეთ საუკეთესოდ: ვარსკვლავების კოსმეტოლოგის 12 რჩევა
კოსმეტოლოგი ჰეროლდ ლანსერი თვლის, რომ კანის იდეალურ კონდიციაში ყოფნა ნებისმიერ ასაკშია შესაძლებელია. მას ჰოლივუდის ლამაზმანებს შორის წარდგენა არ სჭირდება. ჰეროლდი პირად კონსულტაციებს უტარებს ვიქტორია ბექჰემს, ბიონსეს, კიმ კარდაშიანს და ა.შ. თავის მოვლის საკუთარი ხაზი აქვს და სენსაციურ მეთოდებზე ბესტსელერებს წერს. მისი წყალობით ჯენიფერ ლოპესი და სკარლეტ იოჰანსონი წლების შემდეგ ისევე არაჩვეულებრივად გამოიყურებიან, როგორც ახალგაზრდობაში, თუ არა უკეთესადაც კი.
KOBAKHIDZE ss 2019
სერგო კობახიძის 2019 წლის ზაფხულის სეზონისთვის შექმნილი კოლექციის ინსპირაცია ყვავილები და მცენარეებია. მათგან აღებულია სილუეტები, რაც ლუქებში ფოთლისებური ფორმებით და ასიმეტრიული ელემენტებით გამოიხატება. კოლექციაში წარმოდგენილი თითქმის ყველა კოსტუმი განსხვავდებიან ერთმანეთისგან ფერებით, ურთულესი და უმარტივესი კონსტრუქციული ფორმებით. მთლიანობაში შეიქმნა საინტერესო, ავანგარდული კოლექცია.
MERCEDES BENZ FW 2018: 7 საუკეთესო კოლექცია
რუსული მოდური გამოცემა Harpers Bazaar თბილისის Mercedes-Benz მოდის კვირეულის 7 საუკეთესო კოლექციას აქვეყნებს. 1-დან 5 ნოემბრის ჩათვლით თბილისი სხვადასხვა ქვეყნების მოდის რედაქტორების, ბაიერების, კრიტიკოსების ან უბრალოდ მოდის მოყვარული ადამიანების თავშეყრის ადგილად იქცა. საქართველოს დედაქალაქში 2019 წლის გაზაფხული-ზაფხულის კოლექციებს მიეგებნენ. მოდის კვირეულის ფარგლებში საკუთარი შემოქმედება 40-ზე მეტმა დიზაინერმა წარმოადგინა.