It Girl: ქეთი ჟღენტი
ქეთი ჟღენტი "ის თბილისელი გოგოა" რომელიც ამჟამად ყურადღების ცენტრშია მისი ვიზუალიდან, საქმიანობიდან და ცხოვრების სტილიდან გამომდინარე. 17 წლის ქართველ მოდელს ხშირად იხილავთ ქართველი ფოტოგრაფების ობიექტივში, ცნობილი დიზაინერებისა და ბრენდების კამპანიებში. საქართველოს ფარგლებს გარეთაც იყო დაკავებული სამოდელო საქმიანობით, თუმცა ამჟამად სასწავლო წლის გამო უწევს საქართველოში დარჩენა. ქეთი აქტიურ სოციალურ ცხოვრებას ეწევა, მისი და მისი მეგობრების ფოტოებს instagram-სა და phhhoto-ზე მრავალი ადევნებს თვალს. ენჯელ.ჯი ესაუბრა ქეთის ცხოვრების სტილზე: სამოდელო კარიერასა და ყოველდღიურ ცხოვრებაზე.

ძირითადად ყველა ინფორმაციას მოდის შესახებ Instagram-იდან ვიღებ. - ამბობს მოდელი, რომელსაც ინსტაგრამზე 10,600-ზე მეტი follower ყავს და სამომავლო გეგმებზე გვესაუბრება - საერთოდ ძალიან დამოუკიდებელი ადამიანი ვარ, ალბათ ეს იმან განაპირობა რომ 14 წლის ვიყავი როდესაც მარტო, 3 თვე ვიცხოვრე პარიზში. მოგზაურობით ხშირად ვმოგზაურობ, მოგზაურობაზე მეტად არაფერი მიყვარს, მაგრამ სწავლის გამო ახლა ვერ ვახერხებ. ჩემს პროფესიას - მოდელობასაც ალბათ სწორედ საქართველოდან წასვლა და ამ სფეროში ინტენსიურად მუშაობა განავითარებდა.
Tbilisi Fashion Week street style
Tbilisi Fashion Week 31 march - 3 april fall/winter 2016 Guest Style
თბილისის მოდის კვირეულის ჩვენებებს 31 მარტი-3 აპრილის ჩათვლით სასტუმრო რუმსმა უმასპინძლა, სადაც შემოდგომა-ზამთრის 2016 წლის კოლექციები წარმოადგინეს ქართველმა დიზაინერებმა. მოდის კვირეული უცხოელი სტუმრების: ჟურნალისტებისა და ბაიერების სიუხვით გამოირჩეოდა. სტუმართა ჩაცმულობის ამსახველ ფოტოებს ჩვენი ფოტოგრაფები ელენე გოგელია და ანა ბაციკაძე გთავაზობთ.
თამთა შედანიას დღიური
დღიურის მომდევნო სტუმარი მოდელი თამთა შედანიაა. "მის საქართველო 2012" უკვე გასცდა საქართველოს და ამჟამად აზიას იპყრობს. მისი ცხოვრება დატვირთულია, როგორც თვითონ ამბობს, მისი პროფესიის დადებითი მხარე სხვადასხვა ქვეყანაში მოგზაურობაა. მისი პროფესიული გეგმები განსაზღვრულია, თუმცა მკითხველი დღიურიდან თამთას შესახებ სხვა ინფორმაციას შეიტყობს. რას ნიშნავს მისთვის "მის საქართველოს" ტიტული და მოდელის შინაგანი სამყარო კარიერის მიღმა,
იხილეთ თამთა შედანიას დღიური.

- "მის საქართველოს" ამპლუაში თავს ვგრძნობ...
- ჩემთვის მის საქართველოს ტიტული იმაზე მეტია, ვიდრე ეს მხოლოდ სტატუსი. თავს ვგრძნობ როგორც წარმატებულ, მიზანდასახულ, შემდგარ ქალს შეეფერება.
- თვისებები, რომელთა გარეშეც ადამიანი წარმატებას ვერ მიაღწევს...
- მთავარია იყო თავდაჯერებული, მიზანდასახული, მონდომებული, თავმდაბალი, შრომისმოყვარე.
მთავარი და ყველაზე მნიშვნელოვანი: აკეთო ის, რაც გიყვარს.

- ცხოვრებისეული ფრაზა, რომელიც მუდამ გონებაში მიტრიალებს...
- ის, რაც არ გკლავს, გაძლიერებს!!!
advertising: [email protected]
Birthday Girl - Sarah Jessica Parker!
სარა ჯესიკა პარჯერს 51 წელი შეუსრულდა. მსახიობის კარიერის ერთ-ერთი გამორჩეული ნაწილი სერიალს "სექსი დიდ ქალაქში" უკავშირდება, რომლითაც მან მოდური ქალბატონის სახელი Carrie Bradshaw-ს წყალობით დაიმკვიდრა. პერსონაჟი გასცდა წიგნსა და სატელევიზიო სივრცეს და დღემდე ის განსხვავებულ, გამორჩეულ, მოდურ და გლამურულ ქალბატონთან ასოცირდება. სარას მოდური ლუქები ხშირად მისი პერსონაჟის გავლენის ქვეშ ხვდება, თუმცა მისი ყოველდღიური ცხოვრება პერსონაჟისგან განსხვავებულია. ფეხსაცმელები არა მარტო ქერის, არამედ სარას სუსტი წერტილიც არის, რის შედეგადაც დღეს მას თავისი ფეხსაცმელების ხაზი აქვს. იყო და არის რამდენიმე როლი, თუმცა სარა ჯესიკა პარკერი მუდამ ასოცირდება ქერი ბრედშოუსთან, რისი გავლენისგან გაქცევაც ალბათ ნებისმიერ მოდურ ქალბატონს გაუჭირდება. 51 ასაკში სარა ისევ შთამბეჭდავად გამოიყურება. მას ხშირად იხილავთ ახალ ფოტოსესიებსა და პროექტებში. 51-ე დაბადების დღის აღსანიშნავად გავიხსენოთ და თვალი გადავავლოთ სარას მოდურ სტილს, რომლის მთავარი ელემენტი - ფეხსაცმელებია, რომლებიც მართლაც რომ გამორჩეულია.
VOGUE videos: Kendall Jenner and Gigi Hadid
VOGUE-ს ახალი ნომრის სპეციალური გამოცემა კენდალ ჯენერს დაეთმო. კენდალი და ჯიჯი ჰადიდი, ახალგაზრდა მოდელები, რომელმაც წარმატებას არა მხოლოდ საკუთარი ვიზუალით მიაღწიეს, ისინი IT girl-ები არიან, გოგონების ცხოვრების წესი და სტილი აქტიურად განიხილება პოდიუმს მიღმა. ჰადიდი და კარდაშიანების უმცროსი და რეალურ ცხოვრებაშიც მეგობრობენ, გოგონები სუპერ-მდიდარი და ცნობილი ოჯახებიდან VOGUE-მ გამოცემისთვის დაგეგმილ ფოტოსესიებს შორის გადაიღო სასტუმრო პლაზაში. ჯიჯი და კენდალი შანელის სამოსში გამოწყობილები ხალისიანად და თამამად ერთობიან, მათ არ ზღუდავთ, ის, რომ კაბები couture ხაზიდანაა, IT girl-ებისთვის ყველაფერი დასაშვებია.
წიგნის რეკომენდაცია: „კრავთა დუმილი“
წიგნის რეკომენდაცია
ბაკურ სულაკაურის გამომცემლობის
13 ახალი სერია ჰორორისა და თრილერის მოყვარულთათვის

სერია აერთიანებს სხვადასხვა ეპოქაში შექმნილ, ჰორორისა და თრილერის ჟანრის ცამეტ რჩეულ ნაწარმოებს. სერიის სამი წიგნი: თომას ჰარისის „კრავთა დუმილი“, აირა ლევინის „როზმარის შვილი“ და რობერტ ბლოხის „ფსიქოპათი“ უკვე გამოიცა და მათი წაკითხვა ქართველ მკითხველს მშობლიურ ენაზე შეუძლია.

„კრავთა დუმილი“ - რომანი პირველივე გვერდიდან მოგნუსხავთ. კითხვის მიტოვება და თქვენს ყოველდღიურობაში დაბრუნება ფაქტობრივად შეუძლებელი იქნება, რადგან თავადაც გამომძიებლის როლს მოირგებთ და ეცდებით, დამნაშავე ამოიცნოთ. რომანის თითოეული ფრაზა მკითხველს ამაღელვებელ ფინალთან აახლოებს და თანაც აიძულებს მას, დამოუკიდებლად მიაგნოს დამნაშავეს.
თათია სამხარაძის დღიური
დღიურის მომდევნო სტუმარი Breadbar-ში თათია სამხარაძეა!
სატელევიზიო პერსონაჟებიდან მას საზოგადოება უფრო ახლოს იცნობს, თუმცა "დღიურის" ერთგული მკითხველი თათიას შესახებ განსხვავებულ და საინტერესო ინფორმაციას შეიტყობს. ჩვენი რესპონდენტი პროფესიით ხელოვნებათმცოდნეა, თუმცა ტელევიზიაში არაერთ ეპატაჟურ როლს განასახიერებს. მისი ნამდვილი სახელი და გვარი - ტასო ბარნოვაც კი ჰგონიათ. პერსონაჟების მიღმა "დღიურის" სტუმარი თავის ინტერესებზე, მოტივაციასა და შთაგონების წყაროზე გვესაუბრება. იხილეთ "დღიური" თათია სამხარაძისგან!

- ყველაზე უცნაური კითხვა, რომელიც დაუსვამთ არის...
- ბავშვობაში მკითხეს: "დედა უფრო გიყვარს, მამა თუ ყურძენიო?"- დღემდე ვერ ვხვდები ყურძენი როგორ გაჩნდა ამ კითხვაში, მშობლების გვერდით.
- ჩემი ყოველდღიური ცხოვრება რომ დავახასიათო...
- საგიჟეთია!
- ქალბატონების სიძლიერე და სისუსტეა...
- ის, რაც ქალბატონების სისუსტეა, სინამდვილეში შეიძლება ნებისმიერ მომენტში სიძლიერედ იქცეს.
ქუჩის სტილის 10 ტრენდი
მოდის კვირეულებზე დიზაინერები მომდევნო სეზონის კოლექციებს წარადგენენ და უახლეს ტენდენციებზე მიგვითითებენ.
თუმცა რა ხდება პოდიუმს მიღმა?მოდის მოყვარულთა ქუჩის სტილი საინტერესო, მრავალფეროვანი და შთამაგონებელია. ნებსით თუ უნებლიედ ბევრი მოდური ქალბატონის სტილი ჰგავს ერთმანეთს. მათ შორის საერთო ტენდენციები იკვეთება, რისი ხილვაც ჩვენს მოდურ მკითხველს შეუძლია.
იხილეთ მოდის კვირეულების ქუჩის სტილის გამორჩეული 10 ტრენდი
წიგნის რეკომენდაცია: „საოცრება“
წიგნის რეკომენდაცია
ბაკურ სულაკაურის გამომცემლობისგან:
„საოცრება“

რ.ჯ პალაციოს ამ წიგნის დაწერა ერთმა შემთხვევამ გადააწყვეტინა. იგი შვილთან ერთად ნაყინის მაღაზიის წინ, რიგში იდგა, როდესაც მოპირდაპირე მხარეს დაინახა პატარა ბავშვი, სახეზე დეფექტით. წიგნის მთავარი გმირი იმ ბავშვის მსგავსად ჩვეულებრივი ბიჭია, მას მხოლოდ სახე აქვს უჩვეულო. მაგრამ თუ კი ოდესმე სკოლიდან სკოლაში გადასულხარ, გეცოდინება, რა სიძნელეები ელის ავგუსტს ახალ სკოლაში. მის წინ სრულიად ახალი სამყარო იშლება – ზოგჯერ სასტიკი, ზოგჯერაც საინტერესო და თავბრუდამხვევი. დაიჯერებენ თანაკლასელები, რომ გარეგნობის მიუხედავად, ავგუსტი მათნაირი ბავშვია?
Fréolic სადებიუტო თეთრეულის კოლექცია
Fréolic ახლად დაარსებული თეთრეულის მწარმოებელი ბრენდია, რომელიც ყურადღებას ხარისხზე ამახვილებს. ქალის თეთრეული მაქმანებიანი მატერიით და ინტიმური დეტალებით სექსუალურ და რომანტიულ განწყობას ქმნის. ბრენდის სადებიუტო კოლექცია 2016 წლის ზაფხულის სეზონისთვისაა განკუთვნილი.
2016 ზაფხულის მთავარი მოდური ტრენდები
2016 წლის გაზაფხული-ზაფხულის
მთავარი მოდური ტენდენციების მიმოხილვა
გასული მოდის კვირეულებისა და It girl-ების სტილზე დაკვირვებით შეგვიძლია განვსაზღვროთ ის მოდური ტრენდები, რომლებიც აქტუალური იქნება გაზაფხული-ზაფხულის სეზონზე. და თუ მსგავსი ნივთები ჯერ არ გაქვთ გარდერობში, დროა დაფიქრდეთ თქვენს სტილს რომელი ნივთები შეესაბამება დამდეგი სეზონისთვის.
წიგნის რეკომენდაცია: "ველურ გარემოში"
წიგნის რეკომენდაცია
ბაკურ სულაკაურის გამომცემლობისგან:
"ველურ გარემოში"

1990 წლის აპრილში აშშ-ის აღმოსავლეთ სანაპიროზე მცხოვრები კრისტოფერ ჯონსონ მაკ-კენდლესი ტოვებს მშობლიურ სახლს, ოჯახს და ავტოსტოპით ჩრდილოეთისკენ იწყებს მოგზაურობას. ჟურნალისტი ჯონ კრაკაუერი მოხიბლა აზრმა, დაწვრილებით შეესწავლა იმ ბიჭის საქმე, რომელსაც ერთი შეხედვით ცხოვრების იდეალური პირობები ჰქონდა, მაგრამ მაინც ყველაფრის მიტოვება და სოციუმისგან განცალკევება გადაწყვიტა. და მაინც, რატომ უნდა წავიკითხოთ ეს წიგნი? ვინ იყო კრისტოფერ ჯონსონ მაკ-კენდლესი? - იდეალისტი ახალგაზრდა, რომელმაც კონკურენციითა და ყალბი ურთიერთობებით სავსე საზოგადოებაში საკუთარი ადგილი ვერ იპოვა; გათამამებული ბიჭი, რომელმაც თავის ოჯახს ანგარიში არ გაუწია თუ უბრალოდ, მგრძნობიარე ადამიანი, რომელსაც სამყაროში თავისი ადგილის პოვნა უნდოდა? რამ აიძულა კრისი, უარი ეთქვა ამერიკულ ოცნებაზე და ველური გარემოსკენ გაეკვალა გზა?
advertising: [email protected]
გვანცა დარასელიას დღიური
დღიური Breadbar-ში დაბრუნდა!
პროექტის ახალი სეზონის სტუმარი ტელეწამყვანი გვანცა დარასელიაა. ყოფილი მოდელი და საზოგადოებისთვის ცნობილი ჟურნალისტი დღიურის ყველაზე მხიარული სტუმარია! საინტერესო დღიურის წაკითხვის პროცესში, მკითხველს გვანცას მხიარული ფოტოსესიაც კარგ განწყობაზე დააყენებს. საინტერესო ხელწერითა და გულწრფელი პასუხებით გვანცა დარასელიას დღიური ნამდვილად გამორჩეულია. პროექტის მასპინძლის Breadbar-ის "გემრიელ" გარემოში ჩვენი მკითხველისთვის საინტერესო დღიური შედგა. გულწრფელი და მხიარული დღიური ჩვენი ერთგული მკითხველისთვის!

- რომ არა დღევანდელი საქმიანობა, ვიქნებოდი...
- მომღერალი ან სტილისტი.
- მოდელი გვანცა დარასელია იყო...
- პატარა და გაურკვევლობაში მყოფი.
- ტელეწამყვანი გვანცა დარასელია არის...
- თავდაჯერებული და განვითარებაზე ორიენტირებული.
"გოგონა დანიიდან" ანუ პირველი ქალი მამაკაცში
"გოგონა დანიიდან" - ეინერ ვეგენერი (2016 წლის ოსკარის 4 ნომინაციაზე წარდგენილი ტომ ჰუპერის ფილმში "გოგონა დანიიდან" ეინერის პერსონაჟი ედი რედმეინის შესრულებით) დანიელი ცნობილი ილუსტრატორი მხატვრის გერდა ვეგენერს მეუღლე გახლდათ, გერდა ძირითადად ხატავდა ქალების სახასიათო პორტრეტებს, ბალერინებს როგორც კლასიკურ ასევე ეროტიულ (ლესბოსული ელმენეტებით) ჟანრში. ეინერი კი ისტორიაში შევიდა როგორც პირველი მამაკაცი (ტრანსგენდერი), რომელმაც 1930 წლებში ოპერაციის გზით სქესის შეცვლა გადაწყვიტა. 47 წლის ეინერი საკუთარ მეს გაცნობის შემდეგ ქალბატონი ლილი ელბი გახდა. ის არამხოლოდ ქალად გარდაიქმნა, არამედ ცნობილი ნახატების მთავარი მუზაც გახდა.

ეს ისტორია, ისევე როგორც ფილმი არაა ამბავი პრინცზე, არც ბედნიერებაზე მეოცნებე გოგონებზე, ესაა ამბავი ადამიანზე, რომელიც ეძებს საკუთარ თავს შინაგანი ბრძოლისა და განცდების ხარჯზე და აქვს უნარი სიყვარულისა.
მსახიობები,რომლებიც ყოველთვის ერთად თამაშობენ ფილმებში
კინოინდუსტრიაში არიან რეჟისორები და მსახიობები, რომლებიც ერთად ძალიან ხშირად თანამშრომლობენ და ბევრ საერთო პროექტში იღებენ მონაწილეობას. ალბათ არ იქნება გასაკვირი თუ სიას ჯონი დეპისა და ჰელენა ბონემ-კარტერით დავიწყებთ ,რომლებმაც ერთად 6 ფილმში მიიღეს მონაწილეობა.

წარმოგიდგენთ მსახიობებს,რომლებსაც ყველაზე ხშირად აქვთ ერთმანეთისთვის პარტნიორობა გაწეული ფილმებში.