ღამე ქაჩის ჭალაში

ჩემს პირდაპირ იცრიცება
ღამე ნამტირალევი
და მიჰყვება ღრუბელთ ქროლას
მკრთალი მთვარის ნალევი.
გზაზე ვიღაც მიიმღერის,
სწუხს თუ სიხარული აქვს?
რა სიმძიმე მიაქვს მხრებით
ან რა გზებით უვლია!
ფინიშის ხაზს თუ გადასცდა,
ნეტავ რა აქვს შედეგი?
ამ წუთებში ვიღაც კვდება,
მაგრამ ჩნდება შემდეგი...
პირდაპირ კი ღამე მიდის
ცრემლიანი თვალებით
და მიჰყვება დარცხვენილი
მკრთალი მთვარის ნალევი.